前妻貼文贈㷫 戴夢夢貼錢照顧 Ricky [壹週刊 - 1324] 夢夢,朱翰博,Ricky,戴夢夢,M1,

爆出戀情後， Ricky同戴夢夢一度潛水，到上個禮拜大方拖手行銅鑼灣，一個戴黑超、一個戴口罩，盡量低調啲。

同你吟一吟

前妻貼文贈㷫　戴夢夢貼錢照顧 Ricky

為咗戴夢夢，太極鼓手 Ricky甘願拋棄結婚廿七年嘅老婆 Anne同囝囝。小三得勝，但同時受盡千夫所指，夢夢媽叫個女唔好再糊塗，太極班兄弟亦唔俾面，叫戴夢夢做「夢夢姐」，擺明唔妥新「阿嫂」。

前 Ricky嫂 Anne，上載佢同前夫舊合照未幾，便轉發女作家王迪詩對所謂「筍盤男」嘅睇法，似意有所指。

一直有報導指， Ricky可以住豪宅，揸波子，全靠佢位响銀行做高層嘅老婆「科水」，習慣俾人照顧，上個禮拜四（七月十六日），《壹》仔撞到佢兩個手拖手响銅鑼灣行完街，之後去咗附近停車場攞車走人。

Ricky當日做柴可夫，揸咗架七人車到地下之後，戴夢夢自動波行去收費亭俾錢，後來見到《壹》仔，即閃上車，但奇就奇在選擇坐後座乘客位，當 Ricky係司機。幾十蚊泊車錢都要女方俾，唔怪之得 Ricky前妻 Anne响社交網站轉載作家王迪詩嘅金句：「有些男人看來是『筍盤』，但原來執到都喊三聲。」咦！落地有骨喎！

出街拍拖，戴夢夢俾停車場錢， Ricky揸嘅七人車，由佢同前妻共同擁有。

知道有人影相，戴夢夢俾完錢即刻返上車，更專登坐後座乘客位（箭嘴）避鏡頭。

上個月中，潛水多時嘅戴夢夢，帶埋男友 Ricky出席老友范振鋒嘅生日會，戴夢夢更被指為偷食及拜金新聞，心情低落而消瘦。

鍾意就快D Share啦！

下一篇 》