全城熱爆的娛樂八封新聞 & 時事趣聞 & 生活 + 趣聞
早個禮拜《壹》仔見到 Stephy一個人夜晚現身中環，手上已經攞住袋衫，估計佢應該係買定靚衫，準備出發去意大利，見證好姊妹 Kary吳雨霏出嫁。買完衫， Stephy閃入一座商業大廈，唔係玩指甲、就係篤電話，似乎喺度一邊涼冷氣、一邊等緊人。
唔使問阿桂，肯定等緊方力申，但《壹》仔問 Stephy點解冇約朋友陪行街，佢話：「今日冇約朋友，（排球隊而家點？）幾好，個個星期都有練波，拜拜！（你坐的士呀？）係呀！」答得口爽，但實情係方力申做柴可夫，响中環四圍兜搵位停，載 Stephy走人。喂！你兩個拍咗拖都十年使唔使咁鬼祟呀！
拎住大袋衫嘅 Stephy，响中環四圍行，但死口唔認方力申會揸車嚟接佢。
玩指甲中環出名塞車， Stephy等人接期間，閃入商業大廈大堂篤電話玩指甲，順便涼陣冷氣。
篤電話
見到《壹》仔， Stephy急急腳走人，仲話要行去搭的士，好大話。
新娘子 Kary到意大利行禮，叫埋好姊妹 Stephy、 Miki同 Angela一齊飛， Stephy仲接到花球。
