2015年8月19日 星期三

若希抗旨1】 懶理大台禁令 照貼制服相 大台,TVB,





其他影片:>>






吳若希(Jinny)6月尾嗰陣,將自己喺新劇《實習天使》中嘅護士造型相擺上網,惹嚟醫護人員投訴,亦被網民鬧爆「似制服誘惑」。自此,無綫立即下令,嚴禁藝人再公開戲服造型相,不過「親生女」Jinny就懶理,繼續開心share。

早幾日,Jinny再上載同一套劇嘅開工相,連岑麗香都俾佢拉埋落水。有高層照住,當然公然抗旨冇有怕,難為其他二、三線演員,私下怨聲載道,覺得公司厚此薄彼。

據了解,無綫今次落禁令,美其名係「保護版權」,實際上係保留彈藥自製獨家,準備力谷即將推出嘅娛樂App。有劇組人員爆料,話依家開工出入一定有cam跟住,喺化妝間又影、喺開工車又影,話就話拍多啲獨家花絮片啫,下下俾鏡頭隊住,真係好影響演員培養情緒,所以好多演員都唔多鍾意,只係敢怒不敢言。

又係嘅,你估人人好似「鼎爺」李家鼎咁,夠膽鬧番無綫「呃神騙鬼」,話人成日著錯戲服咩!
鍾意就快D Share啦!
Related Posts Plugin for WordPress, Blogger...