網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年8月25日 星期二

祖藍1.14億買愛巢唔怕變樓蟹 祖藍,王祖藍,

王祖藍為與太太李亞男組織愛巢,無視市道不穩,豪花1.14億元購入大埔「逸瓏灣」樓花。

祖藍1.14億買愛巢唔怕變樓蟹

恒生指數昨日狂瀉逾千點(連跌7日已累跌2767點),香港股民個個哭股喪,樓市氣氛受拖累隨即回落,有指近期樓價急挫兩成多。王祖藍及葉璇於「大風大浪」下,卻勇字當頭逆市入貨。祖藍以1.14億購入大埔樓花「築愛巢」;葉璇則豪花近5千萬當西半山豪宅業主,就連一向不主張買磚頭的張智霖(Chilam)亦預告會轉戰樓市!

股市已技術性進入熊市狀態,正當人人哭股喪,一眾星級投資者即出招「自保」!雖然本港樓市前景未明,但一向樓價穩定的太古城高層單位,亦由開價1,820萬減至1,765萬才成功售出,比起上周同類型單位2,330萬沽出,急挫24%,一星期跌500萬。但王祖藍卻無視市道不穩,昨與發展商簽下合約,豪花1.14億元購入位於大埔「逸瓏灣」的高層近2,809方呎單位,連3,174方呎天台,呎價逾4萬元料為新界分層新高。據估計,首期需付約5,500萬元,厘印稅約460萬元,若銀行息口為1.94厘、供25年、共300期,每個月供款為23萬元。對於被指「摸頂入市」,身在內地的祖藍昨接受電話訪問謂:「唔介意,我自用啫。諗住同老婆組織二人世界,有小朋友亦可以用到,總之依家搵錢要再努力啲啦。」

30萬落訂買半山

至於近年集中火力於內地搵錢的葉璇,日前一身高貴打扮、戴太陽眼鏡現身西半山瀚然睇樓,對其中一全新高層單位大感興趣,與持有該單位的炒家達成協議,即場開30萬支票落訂。離開前被對方認出身份竟搞笑拋下一句:「估唔到依家香港仲有人識我。」據悉,葉璇購入單位呎價高達37,052元,保守估計購入價約4,839萬。而日前葉璇就現身貴州出席公益活動,身體力行支持發起者韓紅。

大埔「逸瓏灣」樓花
  • 大埔「逸瓏灣」樓花
葉璇豪花近5千萬元購入西半山豪宅瀚然。
  • 葉璇豪花近5千萬元購入西半山豪宅瀚然。
西半山豪宅 瀚然
  • 西半山豪宅 瀚然

Chilam預告轉戰樓市

至於一向被視為「圈中股神」的Chilam昨接受電話坦承:「股咩神呀,我同大家一樣,都係普通股民啫。4-6月股市升時,我都有斬獲,不過7月跌市我都損手離場,計計埋埋打個和。今早(昨早)我都諗過想入隻基金,最終都打消念頭,因為睇唔清個市呀。短期內都會繼續『持盈保泰』,希望世界和平(指南北韓局勢緊張)。」甚少投資樓市的他,亦開口預告入市:「都會去睇吓啦。」而Chilam本想買入的基金,收市下跌約5%,可謂抹了一把冷汗!

張智霖昨日出巡中環時座駕被抄牌,他拿起告票對記者謂:「係啦,又抄咗。」
  • 張智霖昨日出巡中環時座駕被抄牌,他拿起告票對記者謂:「係啦,又抄咗。」
張智霖
  • 張智霖

「樓王」任達華則對樓市後市有獨特見解:「開始睇吓樓無妨,但適當入市時機最快都要一年後,睇定啲先。我鼓勵年輕人上車,但負擔唔好咁重,我覺得不妨轉戰上水及元朗等地,長遠嚟講會係『福區』。(呢排睇啲咩單位?)我最想買入中價地舖,近民居有得發展嘛,衣食住行一炮過,都會開始尋覓好嘢啦。」

文:影視組

鍾意就快D Share啦!