網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年8月6日 星期四

終於有學校收 張栢芝母子返港長住 [壹週刊 - 1326] 栢芝,張栢芝,M1,



栢芝決定回流香港,兩個仔終於唔使成日周圍飛。最開心嘅,相信係有得見孫嘅拉姑同謝賢。

探熱針

終於有學校收 張栢芝母子返港長住

11年跟謝霆鋒離婚後,帶住兩個仔的張栢芝一直做遊牧民族周圍飛,直至最近,三母子大部分時間停留香港,原來曾經因為經常無故請假,被學校拒諸門外的 Lucas(謝振軒)終於有學校收,可以回歸香港讀書,幸運是細仔 Quintus(謝振南)亦順利考入同一學校,張栢芝決定由新加坡回流香港,長住。

取消入學資格

六月中暑假開始,去年帶住兩子移民新加坡的張栢芝,已經頻頻一家三口出現香港,要定時定候返內地做真人騷《天天向上》的她,帶住兩個仔去山頂,食雪糕,又在蠟像館扮鬼扮馬,好開心。

「其實栢芝好多時都會返香港,近排就更頻密,因為兩個仔考咗入沙田 ICS( International Christian School),暑假後就返新學校。間學校學費唔平,但亦唔係有錢交學費就一定收, Lucas之前都試過去面試,仲係張堅庭同鄧萃雯幫手,搵牧師寫推薦信,不過都唔 pass,所以栢芝先帶住兩個仔去新加坡讀書。今次搞得掂,因為有鄭明明幫手,終於達成心願,入到呢間學校,九月開課前,佢哋就會搬返香港住。」知情者說。

離婚初期,心情跌落谷底的栢芝,經常帶住兩個仔周圍飛,因而錯過不少學校面試。一三年, Lucas本來已經考入香港仔加拿大國際學校,點知開學日就缺席,校方要求家長解釋及給予最後限期報到,但張栢芝母子潛晒水, Lucas最後被取消入學資格;加上父母知名度,不少學校都擔心影響校內其他學生及家長,將一家拒諸門外。

返港長居,栢芝三母子住番過億的世紀大廈單位。

獲教友鄭明明幫助,栢芝兩個仔九月入讀沙田基督教國際學校。

上週栢芝在香港深灣遊艇會為八歲 Lucas慶生日。

成立母子慈善基金

兩子返港讀書,張栢芝已打算搬回舊居。

「佢哋會住喺世紀大廈,個單位係栢芝用過億買返嚟,亦一直冇租過出去,雖然離學校都遠,不過有司機有車,都唔算太唔方便。其實栢芝一直想搬返香港,一來屋企人喺晒度,佢又有乜嘢約教會班姊妹傾都方便啲。就算返內地做嘢,有時收工即日就返到屋企見兩個仔。」知情者說。

兩個仔開始大,栢芝亦變得定性,今年三月,她更將自己姓氏合拼兩個仔的名字,以「張南軒」成立慈善基金,以三母子力量參與慈善,幫人幫己。

31/7 內地

事隔一星期,栢芝飛去內地做真人騷。

24/7 新加坡

好友劉美娟夫婦帶埋對仔女去新加坡探栢芝,齊齊消暑。

6、 7月 遊山頂

6月尾三母子在香港遊山頂被人捕獲,到 7月初(圓圖)又帶兩子重遊此地。

17/2 北京

今年初,盛傳跟內地富商孫東海拍拖的栢芝,一度入住北京豪宅,並在當地玩具店被人野生捕獲。

25/6 香港飯局

上月返港的栢芝,約埋班教友衞蘭、衞詩及張文慈等喺屋企開大食會。

單親之選

栢芝一對兒子將入讀的沙田 International Christian School,是城中名校之一,由幼稚園到中學一條龍。無獨有偶,圈中惹火單親藝人二代,都係讀呢間。

吳綺莉

四年前,吳綺莉帶住卓林從上海回流返港,並安排她入讀 ICS。今年初,因不滿阿媽酗酒兼涉嫌動粗,卓林向學校社工申訴後由校方代為報警;吳綺莉事後搵校長理論,拒跟阿媽返屋企的卓林,試過深夜與校長結伴狂奔避傳媒,之後由一名女教師陪伴下留宿校舍。

羅霖

離婚後雖跟前夫為贍養費打官司,羅霖仍堅持每月花十多萬學費,讓六歲細仔 Jonathan入讀 ICS,亦有同校家長目睹劉坤銘到學校接兒子放學。

黎瑞恩

黎瑞恩的一對子女由 ICS幼稚園讀到上中小學部,離婚後,為遷就仔女返學,她由九龍塘搬去沙田服務式住宅,之後再遷到大埔比華利山,搬來搬去都離唔開新界區。

撰文、攝影、攝錄:娛樂組

nextb@nextmedia.com

鍾意就快D Share啦!