網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年8月13日 星期四

邵氏打本開檔 王祖藍三千萬再買樓 [壹週刊 - 1327] 祖藍,王祖藍,M1,



上週三,返港的祖藍同老婆李亞男到又一城撐枱腳,被問是否再買大屋,他直認:「有睇吓,係想買多間。」

探熱針

邵氏打本開檔 王祖藍三千萬再買樓

無綫小生花旦再掀起逃亡潮,有指已約滿的胡杏兒及明年夠期的佘詩曼,均考慮過檔邵氏電影發展;跟住走的還有近年做埋編劇、撈兩瓣的王祖藍,據悉祖藍轉投邵氏後,將自組山頭打骰,開經理人部門及搞埋製作。

內地狂賺人仔,邵氏又打本開檔,水浸祖藍決意搬離住唔夠一年,花二百萬裝修的爛尾屋,同老婆李亞男搬入三千萬豪宅,準備生 B。

俾珍姐㩒住

觀眾晚晚捱膠劇!王祖藍一三年獲當時仍在位戲劇組高層梁家樹力撐,另組編劇班底,炮製破格的《老表,你好嘢》,結果收視口碑雙贏,自此,被插撈過界的祖藍成為珍姐曾勵珍眼中釘。

梁家樹去年榮休,珍姐一統天下,被視為「梁派」的祖藍處處綁手綁腳,阻住發圍;但亦因而令他有機會北上發展,返內地做節目、拍劇掘金。

與戲劇組珍姐、綜藝科余詠珊長期暗鬥的藝人部樂易玲,近年已將戰線移去邵氏電影部,主要任務是拉攏將約滿的無綫小生花旦轉會,其中包括王祖藍。

近日地產消息傳出王祖藍頻睇大埔豪宅,其中睇過三千萬的天賦海灣(圖),及比華利山的獨立屋。

祖藍婚後同媽咪、細妹一齊住,雖然婆媳關係不錯,但兩公婆還是想過二人世界,故近日急搵新愛巢。

帶埋老婆走

據悉,祖藍將會在邵氏開工作室,搞製作拍電影,甚至得高層放權,自組山頭開經理人部門。

「珍姐開劇唔用祖藍,所以上年佢只係專注幫余詠珊睇實的綜藝科做《 Sunday扮嘢王》,依家終於甩難,祖藍過到邵氏,會主力搞製作、度劇本。有人主張佢開埋經理人部門,因為之前搞咗兩次《老表》,都扑中有幾個演員出到位,大家信佢眼光,可以搵到有潛力但被忽略嘅演員。

「如果祖藍簽人嘅話,一定簽埋老婆,佢一直想同阿男夫妻檔做嘢,但佢會一步一步嚟,先做好製作。遲啲祖藍會喺邵氏有個辦公室,暫時就喺觀塘自己公司度住劇本先。」知情者說。

有傳祖藍想帶埋老婆過邵氏電影。當日兩公婆一收工即會合,祖藍買定飛,待撐完枱腳直落睇戲。

等位期間咁啱撞正余詠珊兩公婆,曾合作《 Sunday扮嘢王》的他們,傾到雞啄唔斷。

王祖藍在無綫意興闌珊,有指是因被高層曾勵珍打壓。

住唔夠一年

祖藍夫婦住唔夠一年的愛巢雅景花園,去年以千三萬購下,花了二百萬裝修,收樓時發現漏水兼爛尾。

趙雪英陪睇樓

泊新碼頭大展拳腳,在內地一樣撈得掂!○二年已鋪路北上的祖藍,去年因為主持浙江衞視王牌節目《奔跑吧兄弟》而在內地走紅,節目身價由昔日幾萬蚊一集,上漲至百二萬人仔一集,水浸!

去年底,與家人及李亞男搬入以千三萬購入的大埔雅景花園,但住唔夠一年,已經心思思要換屋。有指祖藍數度拖埋老婆,與老友趙雪英四出在大埔區搵樓,目標盤統統是三千萬以上,其中包括天賦海灣複式單位和比華利山獨立屋。

「祖藍依家同屋企人住,阿媽、阿妹各自一間房,佢舅父亦成日會嚟,兩公婆得間主人房二人世界,加上開始計劃生 BB,如果有小朋友,而家間屋真係唔夠住。不過就算搬都喺番大埔區,方便返去同阿媽食飯。」身邊人說。

接老婆收工

上週三(八月五日),要定時定候返內地做節目的祖藍晨咁早九點半,已經返到觀塘的製作公司開會,一直到傍晚六點,祖藍先去九龍塘等老婆收工,再一齊去又一城食飯。

上前求證周圍睇樓搵屋搬,祖藍說:「周圍有睇吓!(雅景花園住咗冇耐喎!)睇吓有冇機會買多間。(係咪計劃生 BB?)隨緣唔係依家,但遲啲都要,最緊要搵啱地方先,香港啲樓好貴。」聽到生 B,在旁的李亞男即插嘴:「慢慢 plan」

週日( 9日),祖藍和亞男拍拖去文化中心捧羅家英和汪明荃場,欣賞他們的粵劇尾場演出,之後相約食消夜。

完場後,祖藍兩夫婦跟家英哥等去佐敦食消夜,祖藍幫家英哥打傘,錫住長輩。

祖藍憑《奔跑吧兄弟》( Running Man)在內地爆紅,據悉他的酬勞已急升至每集百多萬人仔,認真誇張!

過去祖藍和亞男曾孖住拍旅遊節目,其實他一向喜歡夫婦檔,開新公司後亦會有此安排。

樂易玲為邵氏電影打骰,今次也是由她拉攏祖藍過檔。

有指祖藍已在邵氏開咗工作室,稍後會與幕後班底搬入邵氏工作。

上週祖藍返回自己的製作公司開會,爭分奪秒工作。

早前祖藍到橫店拍攝由王晶監製的內地劇《哪吒與楊戩》,夏天拍古裝好甘,幸好厚酬補番。

樂易玲為邵氏電影打骰,今次也是由她拉攏祖藍過檔。

樹倒人散

無綫戲劇組過去分別有兩派陣營,但自從與曾勵珍各據山頭的梁家樹去年離開無綫後,由他一手提拔的小生花旦,包括徐子珊、吳卓羲和黃宗澤都被投閒置散,紛紛萌去意。

徐子珊

今年初拍完《以和為貴》後,一直沒劇拍,得閒到有時間去讀 GIA課程。已決定離巢的她有寰亞娛樂和杜琪峯的銀河海潤招手,加上內地公司,唔憂冇出路。

吳卓羲

近年已淪為配角,公司唔重視,吳卓羲索性長拍大陸劇搵錢,就算無綫下令要他完約前接拍新劇《實習天使》,他亦企硬照推。為兼顧返大陸拍電視劇,有指他考慮轉簽部頭約。

黃宗澤

得寵度已大幅滑落的黃宗澤,近年一口氣連拍三部內地劇,賺到盆滿鉢滿。最近歸隊拍新劇《警犬巴打》,戲份同黃浩然差不多,一哥地位不再。

吸北水買南樓

無綫出手低,藝人轉戰內地反而賺到笑,吸完北水回港買樓,其中以連掃三個物業的鄭嘉穎最豐收。

鄭嘉穎

11年憑《步步驚心》爆紅,鄭嘉穎在內地劇接劇,大把錢換磚頭,除了以 1,200萬元購入柏景灣送給母親,又花近千萬於美國洛杉磯買樓俾胞姊,另外還有層千萬將軍澳天晉作投資。

陳偉霆

去年在大陸狂賺 2,000多萬,早已有四個物業揸手的陳偉霆,今年中再以 2,700萬購入北角柏傲山單位,五層樓揸手,是圈中包租公。

鄧萃雯

鄧萃雯近年不再多產,拍大陸劇亦要嚴選,薪優、工時短為優先。唔密做,但一樣有能力以 1,400百萬買入銅鑼灣地帶二樓鋪位。

撰文、攝影、攝錄:娛樂組

nextplus.nextmedia.com

鍾意就快D Share啦!


Related Posts Plugin for WordPress, Blogger...