掃呢頁CODE去手機

2015年8月27日 星期四

盧惠光 有包袱唔懶得 [壹週刊 - 1329] 盧惠光,M1,



盧惠光揀正中午太陽喺頭殼頂去跑步焗汗。

同你吟一吟

盧惠光 有包袱唔懶得

跟咗成龍三十年,一○年俾事頭婆林鳳嬌請食「無情雞」嘅盧惠光,攞得十萬蚊遣散費,手停口停仲要養兩個仔,慘到呢!但由始至終,佢冇公開講過半句成龍不是。

義氣仔多人幫,過去幾年,但凡有動作片開,又或者要去泰國拍嘅戲,例如《掃毒》、《賭城風雲 II》、《殺破狼 2》,打得又識講泰文嘅盧惠光,必定在陣。

有人俾機會,自己亦唔懶得。上個禮拜二(八月十八日),中午太陽最猛時間,盧惠光著住長袖焗汗風褸同拳手褲,喺屋企附近嘅紅磡海濱公園慢跑,之後走埋一邊,壓腿鬆筋,再原地練習拳擊動作。

同前妻黎淑賢分開之後,兩個仔跟老豆,而家大仔十六歲細仔先得九歲,五十六歲盧惠光孭住兩個「移動城堡」,有排都未甩到身,當然要時刻 keep住,保持狀態!

跑完行埋一邊,鬆筋再練拳。

擺 pose selfie,唔係美少女專利。

喺泰國拍嘅《殺破狼 2》同《掃毒》,泰國通盧惠光有份演出外,仲兼任翻譯。

盧惠光同亞姐老婆黎淑賢 06年離婚,前妻再婚生多兩個,但同母異父嘅四兄弟感情好好,今年七月,四個仔陪媽咪慶祝 38歲生日。

撰文:八珍

nextplus.nextmedia.com

鍾意就快D Share啦!