網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年8月5日 星期三

30歲愈撈愈霉 港姐沈穎婷淪落酒吧做賣煙妹 [FACE - 428] 沈穎婷,港姐,MF,



每逢週五、六,沈穎婷都會着起制服,攞住燈箱到各酒吧賣煙仔,但係時薪比一般妹妹仔高。

封面

30歲愈撈愈霉 港姐沈穎婷淪落酒吧做賣煙妹

現今社會,知名度真係好重要。 04年落選港姐沈穎婷( Winnie),雖然有 70年代女星媽媽李影做後台,可惜星途從未發光發亮,一直只保持「有人認得吓」的階段,最風光曾經做過英皇老闆楊受成愛將。

30歲沈穎婷有樣有身材,據知煙酒公司就睇中呢個賣點,經模特兒公司介紹,找她做酒吧香煙銷售員。雖說酒吧龍蛇混雜,但沈穎婷一星期穿梭尖沙咀或中環酒吧兩天,便輕輕鬆鬆時薪八百,只要肯放下身份,錢其實好易搵。港姐淪落變賣煙妹,沈說:「做咗近 3年!咁人哋消費我賺錢,我覺得幾化算吖!」









擁 33D身材的沈穎婷,在 04年選港姐時曾經是大熱。《蘋果日報》圖片

週末晚上的尖沙咀,酒吧內人頭湧湧,而穿上香煙牌子制服的前港姐沈穎婷卻在酒吧內穿插,不時跟酒客搭訕及玩遊戲兜生意。

「人哋消費我賺錢!」

週日( 2日)凌晨 12時半,沈穎婷和一位男同事在尖沙咀諾士佛臺的酒吧街,拿着煙仔燈箱,向酒吧中的客人兜售香煙,如客人答應購買,沈穎婷便會和客人玩小遊戲兼送禮物,遇上外國客人,加拿大回流的沈穎婷又會即時使出流利英語,務求與客人溝通多啲賣多啲。

凌晨 1時半,沈穎婷收工遇上本刊記者沒有半點唐突,笑住接受訪問:「做咗近 3年喇,都係 part time model job,會有客人認得我,不過冇咩特別啫!𠵱家有做緊呢度同埋馬場 model。(離開幕前?)有 job都會接, HKTV𠵱家都有套劇有我!(怕被醉酒客人抽水?)唔會,一來有位男同事喺度,而且我哋仲有位 helper,真係未遇過。(唔尷尬?)唔會,都係一份 part time job,而且人哋消費時我賺錢,我覺得幾化算吖!」

跪低侍客

客人應承買煙,沈穎婷即刻跪低與客人玩小遊戲。

陪笑陪玩

Partner在 sell客,沈穎婷就企喺旁邊俾反應。

崵身介紹

沈穎婷賣煙仔其實好落力,經常崵

「煙頭」帶路

賣煙一般以二人一組,上週六( 1日)沈穎婷和男 partner跟着 helper(箭嘴)到諾士佛台準備開工。

曾簽英皇冇發圍

09年曾簽約英皇娛樂,試過陪老闆楊受成巡鋪而一度成為愛將之一,不過做唔夠年半,沈穎婷即以轉工為由主動提出解約,之後更轉行做空姐 2年,脫離娛圈。

離開航空業後,沈穎婷再次與模特兒公司合作全職做 model,早前亦簽約 HKTV拍劇,不過拍完《三面形醫》後已完約。

沈穎婷 09年簽約英皇後,曾被影到陪住老闆楊受成去珠寶店巡鋪。

在大台劇《師奶兵團》中,沈穎婷曾和陳法拉有水着對手戲。

雖然媽媽是息影女演員李影,但對沈穎婷在娛圈發展未有幫助,右一為李影細女沈穎君。《忽然 1周》圖片

畢竟已經 30歲人,沈穎婷即使仍與母親李影同住,都要養起自己。據知經模特兒公司介紹到夜場賣香煙,由於有知名度,時薪比一般妹妹仔約高一倍,加上沈穎婷有啲名氣又識做,現時薪已跳至八百至一千蚊,一星期只返週五、六,每天由晚上 9時至凌晨 1時,沈穎婷已有 2萬 5蚊固定收入,難怪做賣煙妹做得咁開心。

對於沈穎婷在夜場做賣煙妹,母親李影都表示支持。「都係一份 model工作,無咩特別,佢咁大個人知道自己做乜!唔擔心佢!」原來 model job工作範圍都幾闊喎!

被人炒唯你是問!

沈穎婷一見記者即與男 partner彈開,之後又笑說自己份工唔可以公開身份,「被人炒唯你是問呀!」

開工前,沈穎婷繑住男 partner準備去酒吧,賣煙都要情侶檔?

奀星偏門搵快錢 $800 1粒鐘司徒瑞祈好搵過《放學 ICU》

08年司徒瑞祈曾因過澳門賭錢,並向大耳窿借錢 63萬而一度被大台雪藏,後來司徒瑞祈在電視公開表示:「我好後悔。」電視圖片

司徒瑞祈和方力申同是香港游泳隊成員,方力申 04年介紹司徒瑞祈入娛圈。《蘋果日報》圖片

在大台冇發展,黃瑩外出密密接 job,曾經在酒吧做啤酒 promoter。《蘋果日報》圖片

黃瑩 06年參選港姐,身材已成為焦點。

星二代唔係個個得

有個星級爸媽,入娛圈點都有着數!成功例子有謝霆鋒、欣宜、黃芷晴、黃愷傑等等。不過凡事總有例外,以下幾位,都算係撈極都撈唔掂星二代喇!

《蘋果日報》圖片

冇晒影

許懷欣 04年挾住爸爸歌神許冠傑名義殺入香港樂壇,出過 4隻專輯,不過銷量不提也罷。而 07年盡搏一鋪,與細佬許懷谷又錄多隻碟,結果係兩兄弟選擇自動消失。

衰咀女

吳耀漢兒子吳嘉龍,由於係混血兒, 04年以模特兒身份殺入香港娛圈。期間客串過幾部電影,不過演技唔突出,而且多次被影到周街咀女,壞男孩形象入晒血,演出機會少之有少。

賣大包

03年選過港姐嘅王從希,係已故藝人王偉女兒。選港姐後靠性感喺娛圈活躍過一排,當中亦拍過唔少電影,不過最為人記得,絕對係佢曾經同大台藝人王維德拍過拖,同埋傳佢搭上光頭富商被包一事。近年已消失於娛圈。

04年港姐去晒邊?

《蘋果日報》圖片

落選嘅沈穎婷近年靠賣煙仔維生,其實 04年班港姐,有幾多個仲生存喺娛樂圈?又有幾多個已經嫁咗好歸宿?慢慢數吓先!

吳亭欣 去過亞視

原名吳露恩嘅 LuLu,參選港姐前係亞視藝員,當年都攞咗個第 4名。即使吳亭欣選完港姐後,都選擇返回亞視拍劇做主持。不過 09年同亞視解約後,就開始淡出娛圈,影都無埋。

亞軍

朱慧敏 未嫁住

當年攞亞軍嘅朱慧敏,選完港姐後即與梁榮忠發生「車震事件」。早前拍完《愛.回家》後,本疊埋心水同前 EO2成員 Eddie結婚,點知男方桃花太多令朱要將婚事延遲舉行。

冠軍

徐子珊 準備轉行

攞咗冠軍後,徐子珊演出機會不斷,仲埋到杜琪峯身,憑《跟蹤》攞埋「最佳新演員」獎。現正等緊與大台合約自動完結嘅子珊,最近正密謀向珠寶設計發展。

季軍

符思思 極速潛水

雖然得咗季軍,不過符思思無特別留戀娛樂圈, 05年決定離開香港,去新加坡讀物料工程,仲講到明讀完都 26歲,所以唔會重返娛圈喎。

梁麗瑩 繼續捱緊

落選後即與大台簽約,第一套劇集《開心賓館》仲做埋第二女主角,不過一套劇後即打入冷宮,間中做吓大茄 keep住出鏡率,最近《樓奴》都有佢嘅演出。

鍾意就快D Share啦!