想睇最新消息？ 即時follow【現場－蘋果突發】fb！http://fb.com/applecitycrime
「突然聽到『轟轟』兩聲，部升降機就急墜，感覺到drop咗幾層，時間好快，升降機內螢光幕上顯示的樓層數字，亦由18降至14，就好似跳樓機咁。」麥太今日下午1時，相約友人到銅鑼灣時代廣場的18樓特賣場購物，不料猶如在鬼門關外走了一圈。
麥太在時代廣場9樓乘3號升降機，當升降機抵達18樓準備開門時，卻突然下墜至14樓。電梯內各人嚇得魂飛魄散，一名老翁「狂撳警鐘」，「佢話要所有人都知，費事商場冚住件事。」
麥太續稱，當時升降機內有3男5女，職員透過對講機安慰她們不用擔心，會盡快通知維修師傅。但時間似乎特別漫長，「唞氣都唔夠膽大啖咁唞，好彩唔係太多人，否則有機會焗死。」一名女士即表示無法呼吸，將會暈倒。
約10分鐘後，終於有技工到來開門。「我驚到即刻跑出嚟，已經唔敢再搭果部升降機，搭咗另一部落樓，取消咗個約會返咗屋企。」她其後見有救護員，相信是為感到呼吸困難的女子檢查。
麥太形容「感覺十分驚慌」，她以往試過被困「但急墜幾層樓真係未試過，加上升降機的故障聲音真係十分恐怖。」她認為今次商場及維修保養公司應作檢討，「上次先炒完扶手梯，估唔到連客升降機都出事，仲要係急墜，維修做得唔好。」
| 救護員事後到場(右圖)。 |  肇事升降機事後未有圍封檢修，繼續載客。(胡恩宏攝) |  時代廣場下午發生墜升降機事件。(胡恩宏攝) |
 時代廣場本月初曾炒扶手電梯。 |
|
鍾意就快D Share啦！
|
|
|
