掃呢頁CODE去手機

2015年8月5日 星期三

龍蝦柴奀 AV仁齊出場 《男極探射燈》抽到盡 [FACE - 428] MF,



Don首次擔正新戲《男極探射燈》,埋位前仲好認真同拍檔 Ben杜浚斌對戲,交足功課㗎!

全知言

龍蝦柴奀 AV仁齊出場 《男極探射燈》抽到盡

由傻女李逸朗擔正套新戲《男極探射燈》,雖然女主角齊昕臨陣辭演,好彩有驚無險最終開拍成功,先唔好理有咩人會畀錢入場睇,不過前期宣傳已經夠晒效果!

既然套戲擺明車馬抽 689水,好順理成章咁有女主角楊子瑤化名「柴奀」,孖住 Don玩 BBQ燒埋龍蝦,之後床戲玩胸壓,再拉大隊到立法會重演「 AV仁」在立法會內睇水着女相,場場戲神情造型都抄足當事人,而扮記者嘅 Don就負責追訪醜聞,聽劇情似足大台當年套《娛樂插班生》。 Don話:「好好笑㗎!呢件事好值得紀念!有好多大家嘅集體回憶!」有埋真齊昕會仲好笑囉!

扮卿姐

有馬蹄露扮「卿姐」,又有林超榮扮「 AV仁」!造型同神態仲抄到十足,算有誠意嘅!

玩龍蝦

有「齊昕」又點少得「龍蝦」環節? Don仲教埋大家點「撚」龍蝦先係最正!

先「胸壓」再俾柴奀大髀夾實「小 Don Don」,睇落艷福無邊,不過 Don就話現實呢個姿勢唔係咁歎喎!

呢頭玩完龍蝦,嗰頭 Don已經急不及待當住服裝阿姐面前除褲仔拍床戲,好心急啫!

Don歎完柴奀,仲有人幫佢抹嘴,真齊昕邊有咁細心呀?

鍾意就快D Share啦!