掃呢頁CODE去手機

2015年8月11日 星期二

陳瀅全裸上陣:起初有少少尷尬 陳瀅,



【宅男女神性感相集】陳瀅全裸上陣:起初有少少尷尬

2015-08-11 18:42:00



陳瀅(Jeannie)以Model身份入行,已經做咗五年,平時除咗做model工作,一係就拍電影電視,人氣急升,成為宅男女神,Jeannie一直以嚟畀觀眾嘅印象都係清純同開朗,最近為咗突破自己,今年推出首本相集圖像文學《半透明的舞孃》,希望大家對自己有深入了解。

陳瀅今次相集去咗泰國曼谷拍攝,拍攝團隊準備咗十幾個造型,講陳瀅演一個芭蕾舞蹈員,不過,原來佢本身冇舞蹈底子,苦練咗兩個月,跳爆咗幾隻腳甲,真係夠晒陰公豬!

陳瀅一向都有啲baby fat,今次被勒令減肥,加上拍劇時間日夜顛倒,令陳瀅感到前所未有嘅壓力,因而令到經期唔準,仲引致水腫,搞到陳瀅好擔心會影響拍攝,好在整個團隊都好投入,到咗第三日拍攝,原本取材由湖裡面嘅背景改為與仙人掌及一呎高山貓一齊拍攝,之但係攝影師同藝術總監感到之前嘅服裝唔太合適,於是提出全裸拍攝。

Jeannie表示: 「我都諗左幾分鐘,但由於對大家嘅信任喺拍攝嘅過程已經建立起來,在清場嘅情況下我哋就開始咗,雖然係全女班,但起初都有少少尷尬,但係我知道如果我尷尬嘅話,大家會更加尷尬,所以就鼓起勇氣去完成拍攝。」

問及相集入面有好多性感嘅場面,怕唔怕客戶同埋屋企人接受唔到? 佢就話:「其實入行以來都好多謝各大廣告商嘅喜愛,相信佢哋都明白藝人到一定嘅時候要有一啲改變,而我亦非常信任我公司的團隊,佢哋係非常專業,所以相信我哋嚟緊嘅合作會更加愉快。至於,屋企人、爸爸媽媽一直都好信任我嘅決定,亦都知道我係一個深思熟慮嘅人,所以我知道佢哋如果睇到我本圖像文學都會覺得很滿意嘅!」

陳瀅嗰本圖像文學《半透明的舞孃》會喺今個月10號開始於各大HMV門市預購,首100名購買嘅人仲可以喺今個月21號嘅簽名會中,得到由陳瀅親自挑選嘅神秘禮物。



陳瀅大頭…好清純嘅樣!



以Model身份入行五年!



影起上嚟,真係好專業!





開晒認真mode!



講陳瀅演一個芭蕾舞蹈員。







跳爆咗幾隻腳甲…慘慘呢!



有啲唯美feel!

鍾意就快D Share啦!