掃呢頁CODE去手機

2015年8月2日 星期日

月薪萬五朱晨麗歐遊:啲錢我自己儲番嚟 朱晨麗,



【頭等機票成十萬】月薪萬五朱晨麗歐遊:啲錢我自己儲番嚟

2015-08-02 16:07:00



(攝影:陳順禎)

2011年香港小姐冠軍朱晨麗,獲選後一直默默喺大台拍劇,事業未見有太大發展,而收入如普通藝員一樣,早前有報道指佢突然富貴,搬入月租十五萬金鐘服務式住宅,再以七百萬購入將軍澳一個單位,並且乘坐頭等飛往歐洲血拼。

突然升呢嘅朱晨麗今日就大騷事業線,以一身Pink Lady造型出席沙田一個商場活動,跟小朋友玩遊戲整甜品之餘,仲開金口邊扭邊唱《說愛你》,令現場不論大人細路都暈得一陣一陣。

講番突然富貴,入住服務式住宅同買樓,朱晨麗就有備而戰表示:「過咗去嘅嘢,冇啲咁嘅事,唔回應啦。」坐頭等去旅行?佢話:「啲錢係我自己儲番嚟。」同家人去?佢就話:「係呀。」似乎朱晨麗都好捨得花錢係自己身上,若果冇突然富貴,以月入約萬五蚊嚟計,坐頭等來回機票成十萬,咁咪飛一轉都冇咗大半年人工?雖然話有出騷其他收入,但朱晨麗又唔同一線花旦級數,真係好難想像月薪萬五蚊,點樣可以食又富貴出門又富貴。

可能係咁,朱晨麗都希望工作可以越嚟越順利,佢指自己同公司合約仲有好長時間,而公司一向都好畀機會佢,講到徐子珊離巢,會唔會想公司再畀多啲機會妳?佢話:「我都係今日先知,睇到相關報道,睇公司點安排,我當然希望多啲機會。」

少有地性感示人,朱晨麗接受到健康性感,問平時有冇整甜品畀另一半食?佢話:「整畀屋企人食,會整下蛋糕。(有冇試過整畀心儀對象?)暫時未有,希望將來會有。」



月薪萬五可以用10萬買張機票,同月薪8千買林寶堅尼一樣咁勵志!





忽然富貴,朱晨麗話啲錢係自己儲返嚟。





鍾意就快D Share啦!