掃呢頁CODE去手機

2015年8月19日 星期三

湖南衞視涉抄韓國節目 內地導演:冇買版權嘅必要



【韓流】湖南衞視涉抄韓國節目 內地導演:冇買版權嘅必要

2015-08-19 08:00:00



湖南衞視嘅《偶像來了》被指涉嫌抄襲SBS嘅《英雄豪傑》,不過《偶像來了》方面就否認有抄襲。

隨着韓國綜藝節目越來越紅,內地唔少電視台都購入版權開拍內地版,不過都有內地電視台會唔買版權直接抄襲,今次就輪到湖南衞視嘅《偶像來了》被指涉嫌抄襲韓國SBS嘅《英雄豪傑》,網民指兩個節目不論定位、嘉賓陣容、遊戲設置、場景佈置等都如出一轍。

網民公開兩個節目嘅對比圖,發現《偶像來了》有以下幾個主要抄襲嘅地方:1)同樣於鄉村嘅破舊倉庫取景,亦有安排紅地毯通向倉庫,女星亦要穿上禮服登場。2)有兩名男主持望住CCTV進行解說。3)倉庫內嘅設置都大致一樣。4)將女星分為人氣組及非人氣組,當中必定有一位性格強硬嘅女星及一位搞笑女藝人。

對於被指抄襲,《偶像來了》於前日作出回應,導演陳汝涵表示:「曾考慮過係唔係有必要買《英雄豪傑》嘅版權,但因為大家都認為《偶像來了》嘅製作方向跟《英雄豪傑》完全唔同,所以最終認為冇買版權嘅必要。」

陳汝涵又話:「一直以來,所有電視節目中都有相似之處。我哋成日動不動就提抄襲或引進韓國綜藝節目版權,實際上韓國綜藝節目中所有元素都跟10年前嘅《快樂大本營》及5年前嘅《天天向上》相似。令人遺憾嘅係,好多購買咗韓國節目版權嘅內地綜藝節目,其收視成績反而不如有抄襲之嫌嘅節目,以正當方式製作內地版節目嘅電視台跟製作公司自然會覺得洩氣。」



又會咁啱有齊倉庫及紅地毯?





鍾意就快D Share啦!