無論係斬樹定取消電車，「紅姑」鍾楚紅都有發聲表明反對，仲話老樹要保育、文化要保護，一個人心地好唔好，唔係齋噏就睇到，睇埋佢平時啲言行舉止就最好。
早排紅姑喺置地行街，行出門口時，先對幫手開門嘅保安笑一笑，好有禮貌。出到去，中環出名多私家車，一定阻路過電車，紅姑一條友企喺度默默等，場雨落唔停，天氣又濕又侷，周圍又多人，但紅姑塊面都冇立即變黑，亦冇猛咁催，反而好有耐性慢慢等。
等呀等，架車終於到，佢再冒住雨衝上車，全程少少巨星架子都冇，紅姑親民、善良嗰種氣質，真係由個身發出嚟，真正女神，咪就係咁囉！
