掃呢頁CODE去手機

2015年8月4日 星期二

周潤發億萬開賭 分「紅」畀老婆 周潤發,



由周潤發、張家輝、張學友及劉嘉玲主演的賀歲片《賭城風雲III》開鏡,製作費加碼令一眾主角片酬齊齊「升呢」,單是演員片酬已耗資逾億港元!嘉玲笑指周潤發還有分紅,周潤發幽默回答:「紅雞蛋呀?今晚返去問問周太先!」 文:影視組

周潤發同嘉玲鬥嘴,笑嘉玲是「一舊雲」。

嘉玲今次大部分的戲份都要臥床,瞓住袋625 萬!

周潤發與嘉玲一同受訪,雞啄唔斷!

已經開工的張家輝攰到爆,但仍笑容滿面。

學友在戲中封嘉玲做夢中女神,同周潤發爭崩頭。

周潤發在台上不忘與一眾藝人自拍。

電影《賭城風雲III》投資額加碼至2.5億人民幣(約3.12億港元),導演兼監製王晶向來善待演員,今次繼續實行「有錢齊齊搵」,據悉周潤發片酬達3,600萬人民幣(約4,500萬港元),家輝收2,000萬人民幣(約2,500萬港元),「友情演出」的嘉玲片酬500萬人民幣(約625萬港元),學友收近800萬港元,連計其他演員酬金輕易便逾億!

為情同學友廝殺

一眾演員昨午雲集將軍澳無綫電視城「福地」進行開鏡拜神,周潤發在台上繼續發揮幽默本色之餘,還不時拿着手機與其他演員自拍留念,事後他被安排與嘉玲及家輝做訪問時搞笑地說:「我今次負責情情塔塔部分,同學友廝殺爭嘉玲。嘉玲係我哋夢中女神,佢係『一舊雲』。」嘉玲笑說:「聽講你片酬加咗,仲有分紅。」周潤發即說:「我做兩個角色攞一部片酬喎!分紅?紅雞蛋呀?呢啲嘢今晚問問周太先。」又指今次與嘉玲沒有咀戲,嘉玲即笑說:「哎吔!咁我申請喇!」

女神瞓床袋片酬

嘉玲承接上集墜機後昏迷的劇情,故全片臥床戲居多,只得一、兩場出現在學友夢境的「動作戲」,難怪嘉玲笑說:「淨係瞓喺度,都攞到一部片酬呀!」學友透露監製之一的劉偉強很遲才通知他進組,不過今次能夠與不少多年沒合作的好友結片緣,令他十分開心。至於已經開了6、7組工的家輝則攰爆地說:「因為要拍咗我、李宇春同機械人啲戲先,畀佢哋送去做電腦特技。」

周潤發同嘉玲鬥嘴,笑嘉玲是「一舊雲」。

嘉玲今次大部分的戲份都要臥床,瞓住袋625 萬!

周潤發與嘉玲一同受訪,雞啄唔斷!

已經開工的張家輝攰到爆,但仍笑容滿面。

學友在戲中封嘉玲做夢中女神,同周潤發爭崩頭。

周潤發在台上不忘與一眾藝人自拍。

鍾意就快D Share啦!