呢日記者認真忙碌，先野生捕獲黃曉明去中環置地Harvey Nichols shopping。點知嗰頭又殺出個陳展鵬，車上仲有個女仔，大家梗係湧出去影相。不過當時認真牙煙，有記者大叫被陳展鵬架車輾到隻腳。陳展鵬即時較低車窗，嬲爆咁話係記者自己衝出馬路，仲好意思話俾佢撞到。嘩！唔知係咪天候興，好大火氣喎，記者都係打份工啫。
跟完架車，記者又要返番去置地，皆因洗米嫂Heidi著到靚一靚，盛裝出巡，仲落咗去Joyce嘅男裝部。不過就唔係買衫俾洗米華，而係去join黃曉明。之後兩個前後腳離開，唔通遲啲兩個有合作？
