掃呢頁CODE去手機

2015年8月4日 星期二

周潤發被嘉玲踢爆加片酬兼分紅 周潤發,劉嘉玲,嘉玲,

周潤發風騷現身,談到片酬高達三千幾萬,即說:「問吓周太先!」

周潤發被嘉玲踢爆加片酬兼分紅

由周潤發主演的賀歲片《賭城風雲》一連兩集票房報捷,今年決定添食,製作費亦加碼,劉嘉玲、張家輝等男一女一齊齊「片酬升呢」繼續演出,加埋歌神張學友,單是演員片酬已耗資逾億港元!嘉玲昨日踢爆拍檔周潤發又再加片酬兼分紅,發哥幽默回應:「分紅?紅雞蛋呀?今晚返去問問周太先。」今次扮演「睡公主」的嘉玲也暗示片酬「容易賺」。

鑑於《賭城風雲》兩集賀歲皆票房報捷,令導演兼監製王晶信心十足,《賭城III》宣布加碼投資高達2億5千萬人民幣(約3億1千2百萬港元),並找來周潤發、張學友、張家輝及劉嘉玲等一線紅星參演。一向待演員不薄的王晶繼續實行「有錢齊齊搵」政策,據悉今集發哥片酬高達3,600萬人民幣(約4,500萬港元),而家輝收2,000萬人民幣(約2,500萬港元),至於「友情演出」的嘉玲片酬約500萬人民幣(約625萬港元),學友則收近800萬港元,連同其他重量級演員在內,單是演員酬金已高達逾億港元!不過王晶向來豪爽,不覺肉痛反認為物有所值,繼續「派錢」,讓好友們片酬齊齊「升呢」,認真皆大歡喜。

「高進」重出江湖

昨午一眾巨星雲集將軍澳無綫電視城「福地」進行開鏡拜神,吸引逾百中港傳媒到場採訪,場面墟冚。發哥在台上繼續發揮幽默本色,不時拿着手機與其他演員如王君馨、崔碧珈等靚女自拍留念。事後他孖住嘉玲、家輝一起做訪問,再搞笑謂:「我今次負責情情榻榻部分,同學友廝殺爭嘉玲。嘉玲係我哋夢中女神,佢係『一舊雲』。」今次發哥一人分飾「賭神」高進及石一堅兩角,他說:「(電影《賭神》)相隔咗廿五年嘞,再廿五年嘅話我八張幾,點拍?」嘉玲在旁即答道:「唔好畀數字限制自己,有我陪你。聽講你片酬加咗,仲有分紅。」發哥即說:「我做兩個角色攞一部片酬喎。分紅?紅雞蛋呀?呢啲嘢今晚問問周太先。」

發仔、嘉玲及家輝三大卡士,片酬不菲。
  • 發仔、嘉玲及家輝三大卡士,片酬不菲。
《賭城風雲III》眾星雲集,昨日舉行開鏡拜神儀式。
  • 《賭城風雲III》眾星雲集,昨日舉行開鏡拜神儀式。
發嫂、發哥是模範夫妻,當然有影皆雙。
  • 發嫂、發哥是模範夫妻,當然有影皆雙。
周潤發演的賭神「高進」廿五年後再現「江湖」。
  • 周潤發演的賭神「高進」廿五年後再現「江湖」。

「瞓喺度」賺一部

由於今次劇情延續上一集尾段,講述嘉玲墜機後昏迷,由於學友深愛這位女神,結果勾起憤恨之心要向發哥報復。嘉玲全片臥床戲居多,僅得一、兩場出現在學友夢境的「動作戲」,難怪嘉玲笑說:「淨係瞓喺度,都攞到一部片酬呀!」發哥則說今次與嘉玲沒有咀戲,嘉玲聞言說:「哎呀,咁我申請嘞!」至於已經開了六、七組工的家輝則明顯攰爆,他淡然說:「要拍咗我、李宇春同機械人啲戲先,佢哋要送去做電腦特技,工序要多啲時間嘛。」

文:影視組

鍾意就快D Share啦!