華仁仔克勤蒙面金曲 回饋母校
「華仁仔」李克勤前晚出席母校在紅館舉行的校慶籌款音樂會，早前成為《蒙面歌王》首集冠軍的他成為主角，在熱烈的歡呼聲中壓軸登場，獻唱多首經典金曲，包括《紅日》！否認演出《蒙》的酬勞高達750萬元的克勤，指不會將工作重心轉移內地，高呼「香港是我家」，並預告將以冠軍身份再亮相節目！採：音樂組 文：專案組
克勤在《蒙面歌王》壯Sing威，前晚為母校的籌款音樂會演唱多首金曲，掀起全晚高潮！
克勤與管弦樂團合作演出，令觀眾聽出耳油！
王敏德除了舉家出動撐場，又與兒子父子檔上台Jam歌。
彭健新雖然並非華仁校友，但仍落力夾Band。
一眾華仁學生上台大合照。
李克勤早前代表香港參戰內地節目《蒙面歌王》，更成為首集冠軍，參賽片段點擊率持續高企，帶挈他人氣急升，奪冠後眼濕濕與觀眾大合唱的首本名曲《紅日》亦憑此翻Hit！前晚，克勤以校友身份為母校華仁書院在紅館舉行的90/95周年校慶籌款音樂會《華仁．我家》撐場，身為焦點人物的他以壓軸嘉賓姿態登場，一口氣唱出《大會堂演奏廳》、《一生不變》、《紙牌屋》、《你最重要》及「國民金曲」《紅日》，全場觀眾紛紛尖叫兼拍爛手掌！
預告王者回歸
「告別校園」已久的克勤重返中學，受訪時表示由綵排時已察覺母校的轉變：「現代化咗好多，又有(車立)！今次同學校管弦樂隊合作，佢哋嘅水準拍得住專業！我見番以前好索嘅英文Miss，佢依家都好索！」他又賣口乖大讚母校優秀：「我同其他舊生都好熟，每年都捐錢。呢間學校師生關係好，注重學生感受，唔會強迫你死讀書！」
唔認袋750萬酬勞
提到早前參戰的《蒙》傳是非，他希望觀眾不要過於挑剔每個環節：「自己參與嘅第一集都有地方要改善，第二集我都有睇，評判都少咗講嘢，唔知巫啟賢真係估唔到定係假，咁都係個話題，我同佢掉轉都冇辦法立即估中節目最成功係製造話題，我冇後悔參加，覺得好開心同埋好好玩！」他表示收到各方恭賀，令他重拾奪得「最受歡迎男歌星」的感覺。
他又透露將以冠軍身份再亮相下集《蒙》分享感受，問到日後會否大部分時間都留在內地工作？他說：「香港係自己基地，但擔心比賽日期同9月演唱會太近。」他又澄清演出《蒙》的酬勞並非坊間所指的750萬：「冇諗過大家咁斟酌喺金錢上，價錢合理之前都有人搵我參加其他節目，但我冇去。今次係緣分，檔期啱，覺得個節目認真同有趣，所以揀咗佢。」
王敏德父子檔Jam歌
至於歌手彭健新已先後3次為音樂會擔任結他手，他說：「雖然唔係舊生，但之前嚟過幫阿倫彈結他，今年都係！佢哋製作認真，我喺後台都有同學生傾偈，離不開音樂話題。」他又透露曾到訪華仁的禮堂：「識得啲舊生有隊House Band，我幫手彈結他，朋友叫到咪玩吓囉！」此外，王敏德的兒子王躍穎就讀華仁，前晚除了與家人撐場外，又與父親上台Jam歌，父子檔合唱《Home》！
克勤在《蒙面歌王》壯Sing威，前晚為母校的籌款音樂會演唱多首金曲，掀起全晚高潮！
克勤與管弦樂團合作演出，令觀眾聽出耳油！
王敏德除了舉家出動撐場，又與兒子父子檔上台Jam歌。
彭健新雖然並非華仁校友，但仍落力夾Band。
一眾華仁學生上台大合照。
|
鍾意就快D Share啦！
|
|
|