![](https://googledrive.com/host/0B_nYHg8IFMDHfjdHMVdSeW9UVTNyQUJrYndZeDdzZVBqb3ZfUUJaeEZIUGFpZXZfWW13QXc/dd8_20150829/3638_90b88a9be9a52c24f38de7e5a51c5ab6_bkn-20150829004129963-0829_00862_001_01p.jpg)
Theresa發現自己有抑鬱,最終靠意志走出困局。 | next 1/1 pre |
![]() | |
經歷咁多事,Theresa話自己依家睇開咗好多。 | next 1/1 pre |
![]() | |
對於流言蜚語唔會再咁上心。 | next 1/1 pre |
![]() | |
Theresa覺得身形仲有啲肥,要開始減肥計劃。 | next 1/1 pre |
![]() | |
Theresa會專心做好自己嘅工作,其他人講嘅嘢佢控制唔到。 | next 1/1 pre |
![]() | |
有人話呢輯相好性感,Theresa就覺得着泳衣都好正常。 | next 1/1 pre |
![]() | |
感情事有好多變數,所以Theresa不願多談。 | next 1/1 pre |
![]() | |
Theresa希望出年情人節有男士陪伴度過。 | next 1/1 pre |
![]() | |
Theresa今年會為自家製公仔推出產品。 | next 1/1 pre |
![]() | |
Theresa | next 1/1 pre |
曾被形容為「話題女王」的傅穎(Theresa),承受了13年箭靶的她,在今期《好報》自爆曾一度嚴重抑鬱,身在北京的她接受《東網》電話訪問說:「其實嗰段時間都過咗好耐,係講緊2011年,嗰段時間,身邊好多朋友陪住我,睇咗好多書,養成咗每日都睇書嘅習慣,睇睇吓啲書,自然個人開朗番,諗通咗好多嘢,所以覺得睇書幫助好大。」她可有想過看心理醫生?她坦言曾經想過,但覺得食藥對自己身體不好,也不想靠藥物去幫自己過這難關,她說:「情緒問題唔係同人傾偈就可以解決到,最緊要自己諗得通,因為都係自己諗嘢有問題。」
靠着意志成功走出抑鬱陰霾的Theresa續說:「無論人生、朋友、工作都有咗一啲唔同睇法,總之就唔會令到自己好唔開心喇。」對於成為箭靶多年,她說:「我覺得我剩係想做好份內事,做好自己嘅角色,其他嘢冇辦法,我控制唔到。」
過去兩年她在內地專心拍劇,她說:「係比較平靜,我反而鍾意咁樣,專心去拍套劇,演好角色就OK,其他嘢我又唔使煩,唔使點諗,又唔會驚有咩唔好嘅事發生,或者唔好消息,感覺好輕鬆。」之前因投入角色令她再度病發,情緒不穩,甚至臉上長雀斑,連內分泌也受影響,說話也變得大聲,她笑說:「休息咗兩個月,做番平時嘅嘢,同朋友食飯,睇番書,走來走去,自己心情好咗,面上啲斑好明顯真係淡番,不過仲有少少喺度,成個感覺已經唔同晒,依家講嘢冇咁大聲。」
Theresa覺得每個人去睇一件事有不同睇法,她說:「譬如啱啱呢輯相咁,大家就會話:『嘩!點解咁性感㗎?』但唔知點解我自己一啲都唔覺得性感,我覺得人長大咗好多嘢諗法唔同咗,着泳衣係好正常,或者我覺得我冇特別去賣弄啲乜嘢,可能係心態上轉變,依家再畀人講啲乜嘢都好,唔會咁影響到我自己。」
Theresa坦言對這輯泳裝照未感滿意,她笑說:「覺得有啲肥,唔係最fit時候,要練番fit啲。」在內地拍完劇休息了兩個多月,跟朋友們盡情吃喝,她承認增磅了,她笑說:「之前練嗰啲肌肉又變番脂肪,所以又要開始train。」Theresa表示開始籌備工作,她會再做歌帶畀fans,10月底就會繼續拍戲,今年她還會為自家設計的Pigsa公仔推出產品,談到感情生活,曾洩蜜有合眼緣男生的她笑說:「感情嘅嘢,我未確定就唔講住,因為我驚有好多變數,(出年情人節搵到個伴?)出年情人節我希望喺工作中度過,有人陪都係好事嚟,正常社交活動都有嘅,大家唔使擔心我。」
鍾意就快D Share啦!
|
|