現年48歲嘅鑽石王老五「小小超」李澤楷，呢排異性緣似乎好旺盛，繼被爆上月25日喺灣仔同一名齊蔭嘅長髮女子撐枱腳後，今日有讀者陳先生透過本報「爆相爆片」報料，佢話日前下午，親眼目擊李楷澤同一名同樣留齊蔭嘅長髮女子，喺cafe門外等車，兩人全程都拖住手，表現似足熱戀嘅情侶咁煙韌。
陳先生話呢位齊蔭女又高又瘦，當時見到小小超同齊蔭女企喺cafe門外等車，身旁仲有一位光頭保鑣護駕，着白色衫襯卡其色及膝褲嘅小小超，將太陽超掛喺衫領位，打扮悠閒，身旁嘅齊蔭女着白色背心短裙，露出一雙長腿。
當時小小超拖住女伴嘅手步出門外，由於接載佢哋嘅座駕遲遲未到，小小超全程緊緊拖住齊蔭女隻手，一時拖實放喺身邊，一時拖實拗到後腰，等等吓又輕攬齊蔭女條腰，之後更用右手放喺齊蔭女後頸嘅秀髮上，甜蜜蜜哋吻了女伴嘅面珠一啖。
佢哋喺街上大約等咗10-15分鐘，接載嘅黑色座房車終於嚟到，光頭保鑣幫老細開門，小小超同齊蔭女雙雙上車離去。
| (《蘋果》讀者提供圖片) |  小小超拖住女伴隻手 (《蘋果》讀者提供圖片) |  仲親吻女方面珠 (《蘋果》讀者提供圖片) |
 仲係拖住手 (《蘋果》讀者提供圖片) |  (《蘋果》讀者提供圖片) |  態度相當親密 (《蘋果》讀者提供圖片) |
 小小超的女伴打扮斯文高高瘦瘦 (《蘋果》讀者提供圖片) |  兩人仲齊齊著白色，十分相襯 (《蘋果》讀者提供圖片) |
|
鍾意就快D Share啦！
|
|
|
