掃呢頁CODE去手機

2015年8月9日 星期日

即日來回澳洲製造驚喜 陳智燊向宋熙年求婚成功 宋熙年,陳智燊,



【短片】【恭喜晒!】即日來回澳洲製造驚喜 陳智燊向宋熙年求婚成功

2015-08-08 23:12:00



其他影片:>>






【恭喜晒!】即日來回澳洲製造驚喜 陳智燊向宋熙年求婚成功

37歲嘅陳智燊同8月9號就30歲嘅宋熙年,兩個拍拖愛得高調,陳智燊又多次講宋熙年係佢嘅結婚對象,而啱啱陳智燊就喺佢嘅facebook公布喜訊喇。

啱啱陳智燊就喺facebook貼咗一張同宋熙年喺Sydney嘅合照,相入面就見到宋熙年手上有隻好閃嘅鑽石戒指,而陳智燊仲話:「21.07.2015 Milsons Point, Sydney. She belongs to me.」仲要打多個心心嘅符號,真係好幸福喎。

而啱啱記者都即時打電話恭喜陳智燊,佢就話喺7月21號就成功求:「多謝,好興奮,其實一直都有計劃結婚,但一直都未求,又好想畀驚喜佢,嗰段時間係佢爸爸生日,佢就去咗澳洲探佢,因為我要拍劇唔可以一齊去,但我就同監製拎咗兩日假,即日來回去到澳洲,我都係搏一搏,我知晒佢啲行程,喺一間餐廳門口等咗個幾鐘,佢一見到我都感動同驚訝。」Jason仲話有準備花、跪地都有做齊,仲加埋有宋熙年父母做見証。

問到宋熙年嘅爸爸媽媽有冇幫手透露行程?Jason就話冇,因為怕佢哋嘅表情會穿崩,所以佢自己一個守咗呢個秘密好耐。問到有冇喊,Jason就話:「其實我一早準備咗要講咩,但係到咗講嘅時候就喊晒,都講唔到。」

再問到佢哋會幾時結婚,Jason就話:「呢個真係未知,不過一直都有諗,希望可以喺英國、澳洲或者香港搞,睇下到時會喺邊攞,因為香港都好多朋友同事,都想同佢哋分享呢個快樂。」



娛圈又多一對新人喇!



睇下宋熙年個樣幾咁開心。(陳智燊facebook圖片)

鍾意就快D Share啦!