2015年8月13日 星期四

謝賢爆粗怒摑曾江 曾江,謝賢,

扯晒火的謝賢(左)指着曾江狂炳,夾在中間的胡楓一味勸止。

謝賢爆粗怒摑曾江

被傳有積怨數十年的資深影星謝賢及曾江昨日宣傳無綫旅遊節目,謝賢七度爆粗狂轟曾江詐病及呼喝工作人員,錄音時又被對方頂撞,謝賢忍不住嬲爆出手摑中曾江,意圖勸交的胡楓亦被撞甩眼鏡!事後曾江笑笑口表示沒有嬲,謝賢卻明言不想再見面,對於曾江表示等他道歉,謝賢說:「叫佢等我入棺材嗰日本身都唔係真正朋友!」

83歲胡楓、80歲曾江、79歲謝賢及68歲Joe Junior昨日在酒店宣傳旅遊節目《4個小生去旅行》,與司儀陳庭欣分享到俄羅斯的遊歷,四位加埋超過三百歲的小生在台上與俄羅斯舞蹈員起舞,但跳到一半謝賢臉露不悅落台坐,之後大會推出蛋糕為他補祝生日,三位小生為他唱生日歌,表面上氣氛仍愉快。

等高層離場之後「發難」

其後四人受訪大談遊歷,輪到謝賢發言時,他說:「唔好畀我講,我會講唔好嘅嘢,係有唔開心,但都捱過咗。」現場氣氛尷尬Dead Air,胡楓等三人即鬥講難忘事圖打圓場,記者為緩和氣氛,跟謝賢談起前日謝霆鋒及兩位孫仔為他慶生的開心事,當再問到在節目過程中有何不滿?他說要待無綫高層及贊助商離開後再講,期間三位小生接受無綫及內地傳媒訪問,謝賢一直黑面坐着,但仍有應庭欣及梁麗翹要求笑住合照。

謝賢出手連環睇<br>出手
  • 謝賢出手連環睇

    出手
摑中
  • 摑中
中招摸頭
  • 中招摸頭
拍特輯時,謝賢還坐在曾江的輪椅,由他推着玩。
  • 拍特輯時,謝賢還坐在曾江的輪椅,由他推着玩。

待有關人士離去,四位小生再度坐埋受訪,蓄勢待發的謝賢正式「嚟料」狂鬧曾江,夾在中間的胡楓試圖勸止,負責幫記者拎咪的Joe則呆在當場,表現無奈,「掌摑曾江」事件亦告發生!事後謝賢及曾江分別接受電話訪問,謝賢起初笑住表示心情已好轉:「我梗係要打佢你哋見過我咁嬲未呀?我做咗幾廿年都未試過咁嬲呀。」至於曾江表示冇不快亦冇嬲:「可能我過分咗,佢又過分咗,冇事嘅。(佢真係打到你!)係咩?當時場面咁衝動都冇咩感覺。(報警?)黐線!點解要咁做。(再合作?)梗係會(下次握手言和?)唔會公開做啦。(佢有冇打畀你道歉?)冇喎。(等佢打嚟?)係呀,哈哈!」

「道歉?我入棺材嗰日啦」

而謝賢得知曾江想等他道歉電話,即扯火說:「叫佢等我入棺材嗰日啦。(仲好勞氣?)梗係!要懲戒佢,以為自己不可一世!拍嗰陣已經諗住忍,但尋日佢唔畀面我,話我拖累佢,喺導演監製面前咁講,我仲使撈嘅?」謝賢再轟曾江呼喝工作人員,又不時搶鏡擋鏡頭:「有次我哋煮嘢食企咗兩個鐘佢都唔痛,擺明係扮嘢識佢好多年,喺台灣已經識,一直冇來往,因為我知佢啲衰格嘢,今次辣到我,我唔使畀面佢。(再合作?)見都唔想見呀!(之後仲要宣傳喎?)係呀!我17日(下周一)會請食飯,佢敢就嚟(高層余詠珊話擺和頭酒!)冇得和頭,當識少個人,本身都唔係真正朋友!」

《4個小生》監製蘇敏儀昨日透過電話回應,對於曾江被指呼喝推輪椅的工作人員,她說:「冇聽過,佢有時大聲,係因為佢耳聾,大家有時大聲、好強咁,但其實都冇嘢。(幕後向你呻?)冇,我哋拍攝過程同前一輯一樣開心、愉快。」並謂整個行程也未覺不妥,故對昨日「數臭郁手」一事也嚇窒,稍後會致電謝賢了解事情。會否充當「和事老」請曾江出席飯局?蘇監製笑謂:「點呀!玩着我喎!唔知佢(謝賢)做乜鬼,唔明無端端傻乜,希望係佢哋細路仔扭計,盡快冇事啦。」

「點請到四位大帝做大戲」

提到謝賢揚言不再跟曾江合作,下輯可會飛起謝賢?她說:「咁快諗下一輯?其實佢哋年紀都大啦,好辛苦。」蘇監製又力撐四位的為人很好、很可愛,大家都玩得好開心,問是否宣傳伎倆?她說:「係就多得佢哋唔少,有佢哋四位坐鎮,我哋都毋須要咁宣傳,何況我哋點請到四位大帝做咁大台戲呀!」

昨晚霆鋒和媽咪拉姑出現養和醫院,有傳是兒子發燒,當兩人離開醫院時,霆鋒被問到可有問候昨日發火打人的父親謝賢,及是否兒子病了等問題,霆鋒一律不答。

文:影視組

鍾意就快D Share啦!
Related Posts Plugin for WordPress, Blogger...