2015年8月1日 星期六

陳靜鄭欣宜夜蒲冇仔埋身 陳靜,欣宜,鄭欣宜,



點解!到底點解兩大女神都冇仔埋身?

next 1/1 pre

大家望望DaDa(右一)一身衣著,完全掩蓋咗E神嘅美好曲線。

next 1/1 pre

真係好隱約之間,先見到DaDa純白上衣透出深色Bra形,都算係好低調嘅誘惑。

next 1/1 pre

夜店內嘅女神DaDa(左一)個樣悶到呢……

next 1/1 pre

反而離開夜店個樣仲開心。

next 1/1 pre

不過一發現有記者就即刻用手袋遮樣,表現尷尬。

next 1/1 pre

跟手仲戴埋口罩添。

next 1/1 pre

臨走終於都笑番,轉身同記者揮手講再見。

next 1/1 pre

欣宜出現咁耐,把風扇仔就吹足咁耐,睇嚟天氣都真係幾熱。

next 1/1 pre

傾得好開心喎。

next 1/1 pre

拜拜喇欣宜~

next 1/1 pre

Friday night又係一班夜蒲精出動嘅黃金時間,一眾藝人蜂擁而出,當中少不了性感女神們現身,爭取周五晚上的「打獵」時間。

DaDa密實現身中環

當中久未露面嘅陳靜(DaDa),孖住兩個女仔朋友現身中環,以一身包到冚嘅「良家婦女」look出動,見佢着上潔白上衣輕透深色Bra,再配上一條深色鬆身長到腳眼嘅長褲,連高踭鞋都消失埋,明顯地DaDa未有打算大開殺戒,戰鬥力降至零。

頻露「悶樣」趕住走人

以全女班出現嘅DaDa入到夜店,繼續黐實女友人,大家排排位傾吓偈,期間未見有任何男性埋身,搞到佢坐足成晚,連身邊嘅女友人都拎出手機撳撳撳。未知係咪因為冇男性荷爾蒙嘅出現,全晚DaDa少有接觸酒精,見佢同朋友都似乎唔太投入場內嘅強勁節奏,更不時表露出「悶樣」,一啲都唔覺得DaDa有enjoy嘅表情。未知是否太沉悶,DaDa冇幾耐就起身與兩位好姊妹走人。

見記者即戴罩

步出夜店後,DaDa就同女友人齊齊截的士,中途終於發現記者,DaDa即時表現尷尬,不時以手袋仔遮樣,之後更索性戴上口罩避鏡頭。等咗一輪車,DaDa最後就孖實其中一位女友人上的士,駛到DaDa寓所落車時,DaDa都好識做,轉身同記者揮手Say goodbye,跟住就上樓休息。

欣宜怕熱風扇不離手

同場加映,同樣密密實實現身中環嘅鄭欣宜,早前出席活動時大嗌要搵男友嘅佢,雖然一身衣著冇咩睇頭,不過都好尊重場合地着上高踭鞋仔,同三個女仔朋友一齊出動。鬼妹仔性格嘅欣宜,一隻手拎住嘢飲,另一隻手就緊握手提風扇仔,全女班「企街」狂吹水,與此同時,欣宜就拎住把風扇仔狂吹自己,期間欣宜仲同女友人傾到攬頭攬頸,鬼咁熱情。未知係咪畀啲女友friend圍到實,搞到成晚都未見有男仔埋欣宜身,飲完嘢就同朋友仔上咗架七人車離開。

鍾意就快D Share啦!
Related Posts Plugin for WordPress, Blogger...