謝賢宣傳《4個小生去旅行》時怒摑曾江，「一刀不剪」版流出後即惹來坊間熱論，有人話四哥忍咗曾江好耐，嚟到呢個moment忍唔住爆；亦有人質疑又係宣傳伎倆，因為上次《3個小生去旅行》都流出過爆粗片段，借機谷收視。亦有網民列舉咗啲疑似「破綻位」，質疑有造假成份。
1. 收碟時間
有人質疑四哥遲唔爆早唔爆，點解要喺修哥同曾江食完蛋糕、收晒碟嗰陣先郁手？收碟會唔會係一個signal，等大家action？
2. Joe Junior遞咪
四人當中，Joe Junior嘅表現係最奇怪嘅。Joe Junior全程表現木獨，冇主動勸交不突止，仲雙手揸實個咪，慌死錄唔到音咁。
3. 曾江未發圍
片段清楚見到四哥摑中咗曾江，當一個人被人摑，第一個反應應該即刻企身還拖，但曾江未有咁做。
4. 《東張西望》有播
今晚無綫維穩節目《東張西望》亦即時跟進這單新聞，令整件事又增加一點宣傳味道。
姑勿論片段係真定假，《4個小生去旅行》已經大收宣傳之效，相信下星期一播出時收視應該唔錯。同埋大家應該好期待睇曾江坐輪椅嗰集。唔知大家點睇，歡迎留言分享吓。
|
鍾意就快D Share啦！
|
|
|