2015年8月10日 星期一

星爺擔心分薄票房 《美人魚》避農曆大年初一檔期 星爺,美人魚,周星馳,



【寧願獨樂樂】星爺擔心分薄票房 《美人魚》避農曆大年初一檔期

2015-08-10 15:53:00



雖然星爺對自己部戲有信心,但始終對手唔弱。

由周星馳執導、鄧超、林允主演嘅《美人魚》,原本安排喺2016年嘅新年大初一上映,硬撼周潤發、劉德華主演嘅《賭城風雲III》,以及鞏俐、郭富城同馮紹峰演出嘅《西遊記之三打白骨精》,雖然星爺對自己部戲有信心,但始終對手唔弱,一定會分薄咗票房,精於計數嘅星爺,思前想後,寧願搵個其他閒檔獨食好過,咁樣先至有機會再創新票房紀錄,0依家華語片票房紀錄係白百何同井柏然主演嘅《捉妖記》,截至噚日票房已過咗20億,星爺部《美》片要破《捉》片紀錄都唔容易。

不過星爺部戲改咗出年暑假檔期上映之後,聽講投《賭》片嘅博納公司老闆于冬即刻有興趣,好似話開出包底15億人民幣票房,喺15億票房以後仲有分紅,希望可以成功想搶到呢部戲嘅內地發行權,但星爺好似未滿意,認為保底個數仲可以高啲,希望可以爭取到保底20億,再另加分紅。

咁如果許誠毅嘅《捉》片可以有20億票房,咁星爺喺內地有咁多粉絲,未必冇機會,但發行公司俾20億嘅話,風險唔細,所以傾咗幾間都冇一間成事。

鍾意就快D Share啦!
Related Posts Plugin for WordPress, Blogger...