網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年8月25日 星期二

陳茵媺減肥復出 演阿澤新片仲有咀戲? 茵媺,杜汶澤,阿澤,陳茵媺,



【短片】【唔係拍TVB劇】陳茵媺減肥復出 演阿澤新片仲有咀戲?

2015-08-25 02:09:00



其他影片:>>






【唔係拍TVB劇】陳茵媺減肥復出 演阿澤新片仲有咀戲?

TVB花旦陳茵媺(Aimee)自從同陳豪結婚,仲誕下兩個可愛囝囝,舊年開始佢就冇再拍劇。

今日有大馬傳媒報道,陳茵媺會復出拍杜汶澤新片《開飯喇!》,據知杜汶澤近日喺大馬埋首搞賀歲片,去年佢拍咗《麻雀王》,星馬票房大收,食髓知味,阿澤斥資約千萬港幣籌備嘅《開飯喇!》近日終於敲定女主角係陳茵媺,今日《蘋果》向阿澤查詢,佢直認不諱。

該片內容圍繞一間餐廳,陳茵媺係餐廳太子女,接管餐廳,同大廚阿澤唔啱key,現實生活愛做煮飯男嘅阿澤,今次正好鏡頭前大顯身手。劇情發展,佢同陳茵媺有感情戲,呢套劇都係陳茵媺產後復出。阿澤仲大爆Aimee為呢部戲好努力減肥,每日只食沙律,做兩個鐘運動。

問到阿澤喺戲同陳茵媺有冇咀戲,佢好抵死咁話:「我老婆(田蕊妮)同陳豪拍《鬼同你OT》都有咀戲,點解大台咀得,我喺大馬拍唔咀得?」該片將於下月開工,呢次仲喺阿澤首次做導演,唔怪得搵Aimee復出省靚招牌。





陳茵媺復出拍嘢唔係為TVB,而係演出杜汶澤新片。 (資料圖片)

鍾意就快D Share啦!