網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年8月2日 星期日

陳瀅主動出擊同吳若希爭食 吳若希,陳瀅,

陳瀅與大隻仔旁若無人地黐到實玩自拍,另一對湯洛雯與羅天宇卻在店內煙韌食雪糕。

陳瀅主動出擊同吳若希爭食

「大隻仔」溫家偉早前與女神吳若希接連約會,苦追多時似乎叫胡,正以為守得雲開,怎知「瘦田冇人耕,大隻多人爭」,新一代女神陳瀅日前殺落雪糕舖,和大隻仔旁若無人地黐到實一實玩自拍,兩人如孖公仔於店內做生招牌。正當他們在舖前溫馨,後面又有另一對煙韌小情人,湯洛雯在店內餵羅天宇食雪糕,你一啖我一啖相當冤氣。

樣貌標致的陳瀅近年於TVB劇接劇,今年更成功藉《四個女仔三個BAR》上位,奠定新一代女神地位。出道以來緋聞不多的陳瀅,原來對大隻男情有獨鍾,最近更不惜和吳若希拗手瓜,主動接近大隻仔溫家偉。

湯洛雯羅天宇斷正

日前下午3時多,陳瀅於尖沙咀出席完活動後,先到髮型屋扮靚,然後再去行街及食小籠包醫肚,突然即興殺入溫家偉的雪糕店。陳瀅甫泊好車,已見溫家偉離遠奔跑過來迎接,殷勤招呼,更第一時間走入店內,親自裝了杯招牌雪糕冧女神。陳瀅拿過溫家偉送上的雪糕笑不停,食了兩啖便主動取出相機要合照,二人黐到實頭貼頭,溫家偉繼而再將頭枕在陳瀅膊頭拍照,親近一番,然後站在店外傾偈。及至有街坊認出上前要求合照,他們又如孖公仔般有求必應,幫舖頭做晒生招牌。

兩人互相依傍,有傾有講,陳瀅更拿着雪糕與大隻仔貼頭自拍。
  • 兩人互相依傍,有傾有講,陳瀅更拿着雪糕與大隻仔貼頭自拍。
雖是公眾人物,但四人不介意與友人企街吹水。
  • 雖是公眾人物,但四人不介意與友人企街吹水。
  • 放大圖片

正當陳瀅和溫家偉在舖面卿卿我我之際,另有好戲在後頭,湯洛雯竟在店內餵羅天宇食雪糕,一對小情人你一啖我一啖,旁若無人。湯洛雯餵完羅天宇食雪糕,突然又起身幫男友拍照,順便又自拍多幾張。

羅天宇有湯洛雯餵食雪糕,甜到漏。
  • 羅天宇有湯洛雯餵食雪糕,甜到漏。
羅天宇與湯洛雯因拍《愛.回家》而傳緋聞。(資料圖片)
  • 羅天宇與湯洛雯因拍《愛.回家》而傳緋聞。(資料圖片)

唔怕吳若希呷醋

未幾陳瀅和溫家偉加入,做了湯洛雯及羅天宇的電燈膽,四人圍在一起傾偈,溫家偉頻頻講笑話,氹得陳瀅頻露甜笑,熱情的他亦一度捉住湯洛雯的手傾不停。陳瀅於店內逗留約大半小時後,湯洛雯和羅天宇一對嗌走,只見湯洛雯即避忌地戴上口罩,而陳瀅亦不好意思多留,往取車回家休息。

記者致電溫家偉,問到陳瀅主動接近之事,他哈哈傻笑一番,然後說:「我哋兩個係好朋友,嗰日陳瀅搵唔到間舖我先專登去接佢。(驚唔驚吳若希呷醋?)吓!哈哈哈!應該冇嘢!(如果陳瀅同吳若希兩個AB餐畀你點揀呀?)嘩!我唔識答喎!你唔好叫我揀」繼而尷尬傻笑。

文、攝:追蹤組

鍾意就快D Share啦!