掃呢頁CODE去手機

2015年8月5日 星期三

關心薛世恒感情事 法拉:希望佢搵到個好女仔 法拉,薛世恒,陳法拉,





其他影片:>>






陳法拉嘅前夫、Neway大少薛世恒最近緋聞多多,先後被影到約會梁雨恩同趙頌茹食飯,法拉今日就同Twins喺上環出席「Juicy Couture 2015年秋冬系列貴賓派對」時,法拉就大方回應話﹕「人要向前望,唔會向後望,大家都係朋友,間中有聯絡同打招呼,希望佢開心。」

0依家法拉現長居美國進修演技,間中都會番內地同歐洲等地拍廣告,好少時間留喺香港,所以未有時間約薛世恒見面,講到會唔會關心對方嘅感情生活,佢就話:「關心佢嘅,都希望佢開心,佢都係好男仔,希望搵到個好女仔。」

法拉仲話自己0依家單身,問到佢有冇人追,佢就笑一笑話:「都係咁...我都係好女仔,但未有啱。」咁會唔會係太揀擇?佢就話:「唔係,睇緣份,緣份未到。」

法拉又話表示希望出年留多啲喺港拍戲,對無綫鬧藝員荒,法拉直言無綫曾經邀回巢拍劇,但自己時間配合唔到,問如果遇到好劇本會否答應?佢話﹕「短時間內未有計劃。」

而蔡卓妍同鍾欣潼為演唱會積極做運動,會唔會騷肌?阿Sa就話﹕「我咁瘦,練馬甲線都唔好睇,但本身都有腹肌。」阿嬌就賣關子話﹕「到時你咪知,都有可能。」

(攝影:陳慧安) 法拉仲話自己依家單身。 蔡卓妍同鍾欣潼為演唱會積極做運動。
鍾意就快D Share啦!