2015年8月13日 星期四

拍外景結怨 謝賢怒摑曾江打甩胡楓眼鏡 胡楓,曾江,謝賢,



拍外景結怨 謝賢怒摑曾江打甩胡楓眼鏡



其他影片:>>






拍外景結怨 謝賢摑曾江打甩胡楓眼鏡

剛踏入79歲的謝賢老馬有火,昨日在《4個小生去旅行》記招上向積怨甚深的曾江開拖,將自己的口頭禪「一巴打你埋牆」施展在曾江身上,打到80歲的曾江頭都側埋,助聽器都被摑甩了,兩人中間的胡楓亦無辜遭殃,半邊眼鏡飛甩,事後謝賢接受本報電話訪問,餘怒未消爆粗狂X曾江,X足七次!

謝賢(四哥)、曾江、胡楓(修哥)和Joe Junior早前到莫斯科、聖彼得堡等拍無綫節目《4個小生去旅行》,之前已傳四哥和曾江積怨半世紀,昨日四人到將軍澳出席記招,其間四哥黑晒面,力數曾江三宗罪,狂插行程中有人又跛又廢,由頭到尾坐輪椅扮嘢;流鼻血4粒鐘論匪夷所思;前日錄音時,曾江行來行去造成騷擾,講到扯火的四哥突然彈起身,將口頭禪「一巴打你埋牆」用在曾江身上,不但打到曾江的頭側埋一邊,甚至連助聽器都摑甩,在兩人中間的修哥出手擋,結果無辜地中招飛甩半邊眼鏡。



【爆粗鬧】

■謝賢揚言忍無可忍,昨日在記者會上指住曾江爆粗狂罵。



1.【兜巴星】

■越講越㷫的四哥,彈起身怒摑曾江一巴,助聽器都被打甩。



2.【甩眼鏡】

■坐在中間的胡楓無辜中招,眼鏡都飛甩一半。



3.【分隔開】

■胡楓和Joe Junior忙做中間人,隔開四哥和曾江。

「坐輪椅坐到收工」

之後四哥指住曾江邊鬧邊走,他接受本報電話訪問,仍餘怒未消爆粗足足七次X曾江:「打佢好出奇咩?」他解釋出手原因:「拍攝時佢又話流鼻血又痛風又呢又路,但鼻血印晒人哋酒店張被度,我X你老味,有冇搞錯,失禮死人!第二日開工,佢叫無綫畀輪椅佢坐,結果坐到收工嗰日,X你老味,有時我推佢,有時Joe Junior推,阿修冇推過,佢挑通眼眉,X你老味,我喺嗰度一啲脾氣冇發。」

直至前日看到曾江流鼻血4粒鐘的報道,四哥繼續狂插:「X佢老味,4個鐘死咗啦,講咁大鑊想人同情你?X你老味,噚日錄音,你知我兩年幾冇配音,而且我錄音好渣,你估佢喺側邊講乜:『X!我諗住今日早啲返屋企㖭。』我忍住,講完佢老味企喺身,喺我哋後面行嚟行去,佢老味,我諗住錄完呢句企喺身打佢,咬實牙根錄埋,因為嗰度係無綫地方,咁我走先,佢仲厚面皮到:『四哥,車埋我!』我車佢老母,我話唔X車,X你老味,結果我車Joe Junior,哈哈哈。」



■四哥邊行邊鬧:「唔係個個都會俾你恰!」



■《4個小生去旅行》今年5月出發拍外景,當時已預告拍攝時大打出手都唔奇。

頂住道氣預咗開拖

四哥坦言前晚返家後頂住道氣失眠,諗定在昨日記招上落曾江面:「我預備兜心口打佢,阿修喺中間攔住我,我打佢一巴就算,我真係頂佢唔順,呢條友我識佢幾十年,喺台灣我哋成班人排擠佢。」問擔心曾江追究?他說:「歡迎佢追究。」四哥離開記者會後,去了中環四季酒店,約6時許離去。

至於曾江被摑後說:「我唔知佢乜嘢事,我哋成日都窒呢個窒嗰個。」他強調沒有詐病,自己有醫生紙證明,事後他在電話說:「佢衝動 啫,冇打到我。」會否控告四哥?曾江說:「冇咁嘅事,大家朋友,老友到冇得老友。」對有網友質疑他們與無綫夾宣傳?曾江否認:「梗唔係啦,點會呀。」拍攝期間發生不快?他說:「好開心喎,佢份人係咁,我冇怪佢。」至於無辜遭殃被打甩眼鏡的修哥,笑言沒有嬲四哥:「打到我唔緊要,千祈唔好打親我眼鏡。」兩人是否有多年心結?他說:「呢樣我唔知。」

採訪:皓騫、戴彩煥

攝影:吳耀輝

鍾意就快D Share啦!
Related Posts Plugin for WordPress, Blogger...