日前人妻姚嘉妮同菲籍舞蹈老師傳出緋聞，令唔少人都好意外。姚嘉妮對呢件事就開腔話：「無回應」；佢身邊啲親朋好友自然都成為傳媒追訪對象。
今日（8月5日）大台舉行新劇造型活動，陳煒亦有出席。身為姚嘉妮好姊妹嘅陳煒就堅定表示唔會相信呢單緋聞。佢力撐姊妹；兼幫手轉移視線，指自己都同過呢位老師傳緋聞，一樣係假嘅。
陳煒話平時同姚嘉妮，仲有一班好朋友都係跟呢位菲籍舞蹈老師學跳舞，絕對唔會一對一。又指大家跳完舞一齊去食嘢都好正常，表示大家都係好朋友。
而有指姚嘉妮被影到同舞蹈老師拖手，陳煒斷言係攝影角度嘅問題啫。最後仲講笑話個老師谷咗人氣，可能仲多咗學生跟佢學跳舞添！
