網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年8月16日 星期日

Bob蒲老蘭 遭進擊的熟女胸壓 Bob,林盛斌,



Bob蒲老蘭 遭進擊的熟女胸壓



其他影片:>>






Bob蒲老蘭 遭進擊的熟女胸壓

【蘭桂坊】「俾女媾」絕非型英帥靚正專利,肥嘟嘟的林盛斌(Bob)都有市場!前晚Bob與老友范振鋒夜蒲蘭桂坊,遇上「進擊的熟女」埋身。女方用33C「人間胸器」,由Bob手踭至背脊橫掃身體半個圈,之後再使出胸壓、箍頸、篤面珠、咬耳仔等招數。雖然艷福無邊,但Bob似乎吃不消,反來一招擒拿手捉住對方借勢速逃。

現年35歲的林盛斌出名腦筋轉數快,近年由主持榮升娛樂製作公司老闆,事業有成,屋企更有四條Queen坐鎮,除了老婆黃碧玲(Pearl)之外,還有三位寶貝千金,分別7歲的林霏兒、3歲林熹兒及未滿1歲的林機兒,所以Bob平時都要好努力賺錢。

前晚Bob又出動搵銀,與公司旗下藝人鄭融、邵仲衡等到W酒店出席金融啟動酒會,活動完後,便到中環蘭桂坊撐朋友的FOVEA夜店開幕,同場還有周俊偉、黃浩、薛芷倫及李雨陽與女友等。想不到,身形圓碌碌的Bob不失吸引力,一直與男人幫吹水期間,身邊突然多了一位超熟女不停扭腰跳舞,又撥弄秀髮走近,這位年齡明顯大Bob一截的超熟女,誓要惹Bob注意。



【壓住傾】

■前晚Bob去新開的夜店撐場,卻有超熟女進擊胸壓,不受落的他面有難色。

DV圖片



【打倒褪】

■前晚「進擊的熟女」在老蘭夜場先跳住舞打倒褪,在Bob(箭嘴示)身邊擾攘吸引注意。



【胸磨臂】

■見Bob未有反應,超熟女即變招,用33C「人間胸器」橫掃Bob手臂及身體半個圈。

掃股再箍頸

不過Bob不為所動,「進擊的熟女」終於按捺不住,用一招跳舞打倒褪,明明場內沒有人逼人,但她一個不經意的華麗轉身,再用33C「人間胸器」緊貼Bob手踭,「胸器」甚至橫掃Bob背部,似乎非常火辣。至於被磨的Bob竟然零反應,繼續與其他朋友傾偈,超熟女見Bob沒有「回禮」,即死纏攝位出現,主動埋身!超熟女先與Bob交談,用手掃Bob屁股,之後借勢左手箍住Bob條頸,右手篤面珠,Bob只好退後再退後。

進擊的熟女見狀即步步進逼,索性將身體傾斜,挨落Bob肥大肉厚的身軀,Bob亦禮貌地攬一攬對方,然後借故推出。超熟女突然拖住Bob,不願放開,Bob惟有反客為主,將二人保持一定距離。超熟女在Bob耳邊講了幾句,見Bob皺眉又歪嘴,最後他說:「OK!」便甩開對方,然後速逃,他在場內逗留至凌晨一時許便離開。



【摸屁股】

■超熟女突然出手摸屁股,Bob即擰頭一望。



【攬到實】

■Bob與超熟女互搭晒膊頭咬耳仔。

獲老婆信任

Bob似乎不擔心被老婆責罵,昨在電話中輕鬆回應:「成件事好搞笑,我都有六、七年冇去clubbing,一出去就見識好多嘢。」問超熟女埋身為何不為所動?他笑說:「我唔識佢,應該係隔籬枱老闆啲朋友,佢過嚟傾偈,話我啲節目好搞笑啫。」遭對方胸壓?他說:「佢醉咗,係好熱情,但我唔係咁有魅力,現場有好多猛男。」他表示得老婆信任,沒有被責怪,並說:「老婆睇咗段(即時)新聞,都話『進擊』改得好,佢好信任我,不嬲唔做啲古靈精怪嘢。」

採訪、攝影﹕陳辰、梁繼光、楊浩賢



【老婆唔嬲】

■Bob早前與老婆去泰國布吉旅行,大方將老婆泳裝照貼fb公諸同好。

資料圖片

鍾意就快D Share啦!