來自澳洲嘅混血名模Cara G Mcilroy（Cara G.），舊年年初下嫁加拿大男模JesperMcilroy，婚後育有一女India Wilde Mcilroy嘅佢哋，經常上載家庭照，與大家分享幸福美滿嘅生活。
日前混血名模Cara G.再次做媽咪，喺瑪麗醫院誕下第二位千金，母女平安，B女肥肥白白，重八磅，Cara G.表示上次陣痛咗40小時，今次只係痛咗20小時，並表示已經出院返屋企休息。
Cara G.今午（8月4日）喺微博表示：「我家變成一家四口的時刻.... 我們的小女兒出生了，感激我丈夫@jespermcilroy 再一次給我力量去分娩，帶這美麗的小寶貝來到我們的生命裡。」
