因為同「Iron Man」羅拔唐尼好鬼似，似到換嚟廣告合約嘅Eric Kwok（郭偉亮），亦因為廣告而被《有客到》導演吳家麗睇中，搵佢做姦屍變態殺手。
鬼片《有客到》分3個單元，做導演做上癮嘅吳家麗話，女主角一早有晒人選，反而男角方面令佢好頭痕。佢話，謝婷婷嗰部份嘅男主角係個變態殺手，想搵一個外表斯文，做完啲變態嘢又唔會好猥瑣嘅演員。
有一日，吳導喺電視見到Eric個廣告，覺得佢有幾分電影《美色殺人狂》男主角影子，吳導開頭仲擔心做音樂嘅Eric未必肯拍戲，點知Eric好願意試新嘢，所以試完造型，電影就拍板落實人選。
