科大財務學會拉客靠女神 [FACE - 430 - 大專校園] 科大,女神,MF,

搵到個激罕靚女，其他學會梗係企埋一邊等運到啦。

U Spy

科大財務學會拉客靠女神

大學註冊日呢啲大日子，識揀一定揀入啲多靚女又玩得嘅學會，再去報埋有女神參加嘅少少鹹多多趣 Ocamp係指定動作，不過對於出名盛產毒男嘅科大嚟講，呢個隨時只係 FF（ Final Fantasy）。

不過喺上星期四（ 13日）科大 Reg Day，財務學會個 counter竟然貼滿靚女相，張張又嘟嘴又賣萌，毒男的確好難招架得住，而且佢哋仲派出真人靚女莊員做吸客。呢位靚女有 168cm高，兼晒短裙騷長腿，果然財務學會就成功吸引唔少男新仔報名入會兼參加 Ocamp！原來呢位索女叫 Elise，係工商 Yr.2女神，仲係兼職模特兒，出動女神吸客，唔怪得睇勻全場，財務呢個檔口最受歡迎

要出奇制勝，有女神嘅靚相做生招牌呢招真係高招，啱晒毒男科大仔！

去 OCamp一定有得跳 camp fire舞，財務系仲拍咗條片上 YouTube教 step，女神 BB（右二）仲拖住個男同學跳，葡萄死人喇！ YouTube畫面

撰文： U Spy

鍾意就快D Share啦！

下一篇 》