掃呢頁CODE去手機

2015年8月6日 星期四

呻團隊有問題 G.E.M.:要重組人員 G.E.M.,G.E.M,鄧紫棋,





其他影片:>>






鄧紫棋(G.E.M.)噚晚喺會展睇方大同演唱會,對於G.E.M.之前新城音樂會完騷唔做訪問,又話想同香港媒體修補關係,G.E.M.稱:「唔係我決定,我問新城嗰邊,佢話已經安排咗,其實我哋都覺得要重組一下我哋嘅人員,最近請咗個新嘅女仔返工,知道咗多咗細節,以前啲工作人員係有啲問題,自己聽番知道佢哋冇聽電話,又冇交帶。」

講起新城音樂會當晚先知G.E.M.唔做訪問,其他歌手都唔做訪問,G.E.M.解釋:「咁大鑊!其實我前一日已經問咗佢哋(新城),佢哋話唔使做(訪問),又冇畀解釋我,我都ready做訪問,因為面對面先感覺到個態度,真唔真誠。」G.E.M.認為,一向工作都想身邊嘅人開心,如果自己嗰邊有問題,避免到就避,G.E.M.講總之以後佢控制到嘅情況,唔會唔做訪問,依家成日喺香港,遲啲會出席《新城國語力頒獎禮》,G.E.M.表示:「兩個月前嗰次冇做,今次一定會做番訪問。」

鍾意就快D Share啦!