網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年8月26日 星期三

《毛記》新聞𡁻海珠 年尾做 rapper出碟 [FACE - 431 - 大專校園] MF,



𠵱家 KiKi算有少許名氣,但佢亦唔介意幫父母打理炸雞生意,有咁靚女嘅侍應,一定好生意。

U人攻略

《毛記》新聞𡁻海珠 年尾做 rapper出碟

台灣雞排妹鄭家純,有樣有身材,剝衫唔孤寒,唔好以為佢只得外表,其實佢好關心社會, 2013年台灣廢核活動、上年台灣反服貿,佢都身體力行上街遊行,被網友封為最索社運女神。

估唔到香港都有個港版雞排妹,譚淇淇(Kiki),聽個名大家未必知佢係邊個,但如果講佢係《毛記電視》入面的「𡁻海珠」,就一定識佢。節目佢就主播上身,抽乾時下社會時事熱話,現實世界佢除咗係 model、打理家人韓式炸雞店外,原來佢仲係 MC Jin徒弟, rap爆社會熱話!

《毛記電視》入面的《六點半左右新聞報道》,名抽大台六點半新聞水,除咗片頭同音樂抄足外,連一眾主播名都惡搞埋,當中吸 like最多,非𡁻海珠莫屬,佢一句:「大膽假設,細心咀嚼,將事實真相𡁻完唱。」加上佢惡搞主播報完新聞後蝦碌鏡頭,所以成功跑出,成為巴打又一收藏閃卡嘅女神,「因為之前參加商台比賽識咗陳強(100毛創辨人之一),佢見我平時又會拍啲搞笑片,咪叫我演𡁻海珠,其實每次拍《毛記》新聞前,我會睇咗份稿,睇吓咩內容,再加自己搞笑嘢,我覺得會自然好多。」

自度笑位

KiKi喺毛記新聞跑出,網友讚夠搞笑, KiKi原來每次拍攝前,必定同陳強等人討論笑位,希望效果更自然。

網相唔孤寒

KiKi唔係走性感路線,但話晒女神級,三點式影相分享一定唔少得!

做 MC Jin徒弟

KiKi好多謝 MC Jin,可以帶佢到美國見識真正 rap壇,所以就算冇咩錢落袋都冇計!

兩年前, KiKi喺香港讀南澳洲昆士蘭大學媒體及市場系遙距學士課程畢業,見佢出鏡淡定,演技隨時好過大台《愛•回家》新加入連名都唔知嘅二打六演員,其實 Kiki為入娛樂圈早就鋪定路, 15歲開始做 model, 5年前佢就作咗首〈 Facebook Lover〉 rap住拍埋 MV放上 YouTube,結果比 MC Jin睇中,主動搵佢合作,做佢師傅。唔好以為 Kiki扮𡁻海珠咁搞笑,一定係想成為 YouTuber或者演員,不過 Kiki話:「其實入樂壇出唱片先係我最終目標,做咁多嘢都係為谷人氣,冇人識好難賣到碟,所以到家陣多咗人識我,所以終於可以年尾出 rap碟,當中嘅歌都由我作詞,內容唔少關於社會時事,希望大家會有共鳴。」

撰文:彭家駿

攝影:楊學

鍾意就快D Share啦!