網頁

請重新LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年8月7日 星期五

老公喜事打孖嚟  Suki慶祝停不了 [忽然1周 - 1045] Suki,MW,徐淑敏



一家五口帶埋工人、保鑣出動。不過最吸睛都係黃浩個孻女,真係餅印咁呀!

媽咪姐

老公喜事打孖嚟  Suki慶祝停不了

Suki徐淑敏同 Kenny黃浩第三個女 Isabella眨吓眼就一歲,萬千寵愛在一身。繼上星期六( 1日)去中環鏞記食完晚飯後,星期日又一家成十人去 ICC食午飯慶生。

媽咪姐收到法庭料, Kenny心情咁靚,除咗因為餅印孻女生日外,仲因為近日搞掂咗一單官司,與對方庭外和解達成協議,獲得對方逾億港元賠償。嗰日求證 Kenny,佢就笑容滿面,一手抱住愛女一手拖住 Suki,但封口不提庭外和解一事。俾着媽咪姐得到一億,點止笑到收唔到口,直頭 happy到傻咗啦。

前一晚喺鏞記食完飯,成家人又去咗坐摩天輪, 3個女都勁開心!

Suki話孻女見到乳豬眼都唔眨,「佢肥到條頸都冇咗,好為食。」

Suki送咗大女同二女上白色七人車,跟住先同黃浩坐勞斯萊斯走,媽媽真係零舍忙。

Suki好姊妹沈卓盈都有食生日飯,仲着得幾 sexy!

富貴車隊

難得家族總動員為孻女慶祝生日,黃浩出動 4架名車接載家人,好大陣仗!

玩味蝙蝠車

黃浩一向勁鍾意蝙蝠俠,特登將部黑色豐田七人車變身「蝙蝠車」!貼紙同車牌都襯晒㗎。

特色積架

英國名車積架都係黃浩嘅心頭愛,佢呢部彩綠色款,非常特別,價值成百萬㗎。

至尊勞斯萊斯

呢部唔使媽咪姐講,大家都認得佢係富豪至愛——勞斯萊斯啦。依家車價 4百幾萬啫,唔貴!媽咪姐中咗 8千萬六合彩可以考慮買番架。

鍾意就快D Share啦!


Related Posts Plugin for WordPress, Blogger...