網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年8月13日 星期四

唔客氣 同 TVB拗手瓜 曾志偉搶走周麗淇 [壹週刊 - 1327] 志偉,TVB,周麗淇,曾志偉,M1,



探熱針

唔客氣 同 TVB拗手瓜 曾志偉搶走周麗淇

瓣數多的曾志偉,去年與三哥苗僑偉兩公婆合組公司後,近月再自組另一新公司 All In One,開經理人部門,做音樂拍電影,大搞!親自招兵買馬的志偉更成功截無綫胡,搶走已經約滿寰亞的周麗淇,簽約旗下。

一拍即合

三年前,周麗淇泊林建岳碼頭強攻國內,去年憑《衞子夫》一劇,成功企穩內地市場,連無綫亦吼到實,希望等周麗淇約滿後過檔。

「 Niki每次幫 TVB拍劇,收視都好理想,係福將,而家大台啲花旦走嘅走,所剩無幾,樂易玲舊年已不停叫 Niki約滿就簽俾 TVB,仲講話會喺台慶頒獎禮俾獎佢,不過外邊市場大, Niki本身有唔少 job,簽邊間公司都好,一定秤過度過!」周麗淇身邊人說。

樂易玲花了不少唇舌勸 Niki簽無綫,最終卻被曾志偉截胡。

拍劇有收視保證的 Niki, 13年台慶頒獎禮入圍「我最喜愛電視女角色」五強。

已經約滿寰亞,周麗淇尚欠無綫一個劇,而跟馬國明合作的新劇《流氓皇帝》將安排台慶月播出,除了樂易玲,還有幾間公司打周麗淇主意,當中包括曾志偉的 All In One。

「樂易玲係好有誠意, Niki幫 TVB拍劇個價錢亦唔差,但始終同出面無得比;志偉圈中人脈廣,路數又多,會安排 Niki多番拍戲同再傾唱片公司,所以佢哋一拍即合!」

本來同殼王陳國強老友的曾志偉,一直是無綫軍師,但近年因為余詠珊,二人關係已大不如前。

專吼無綫人

唔再為無綫籌謀獻計的志偉,索性另起爐灶。

「舊年志偉同三哥三嫂開公司,簽咗班同無綫無約嘅波女,一路以『獎門人』個招牌喺內地密密接 job,新開嘅 All In One更加會大搞,除咗 Niki,志偉仲傾緊徐子珊同黃宗澤,總之唔想留低 TVB嘅,佢都會傾!」知情者說。

無綫花旦小生大逃亡,日前出席活動的曾志偉亦唔客氣,暗寸無綫出手低,「外面啲金錢太大引誘不成正比,香港跟內地真差太遠, TVB應該想辦法!」

為 23歲女兒苗彤鋪路入行,苗僑偉去年同志偉開定公司,伺機行動。

近年 TVB收視插水,《女警愛作戰》仍有 31點收視。

投資髮型屋多年, Niki生財有道,泊碼頭錢已非優先考慮。

福將

同陳豪合作《秀才遇着兵》大受歡迎。

現年 35歲的周麗淇,做 model入行, 01年簽約馬偉豪後轉型做演員拍電影, 03年被監製王心慰賞識,拍攝無綫電視劇《翡翠戀曲》; 05年更憑《秀才遇着兵》拾義妹一角獲得台慶頒獎禮「飛躍進步女藝員」,劇集錄得最高 42點收視; 06年再憑《天幕下的戀人》創佳績, 11年演出《我的如意狼君》亦有 40點高收視,被喻為 TVB福將。

撰文、攝影:娛樂組

nextplus.nextmedia.com

鍾意就快D Share啦!