掃呢頁CODE去手機

2015年8月12日 星期三

不死學生 炒 TVB魷魚徐子珊 平民 look中環返學 [FACE - 429] 徐子珊,TVB,子珊,MF,



10/8

週一( 10日)子珊牛仔褲加低胸 tee襯 cutie粉紅外套,淡妝上陣,成個少女晒!

真面目

不死學生 炒 TVB魷魚徐子珊 平民 look中環返學

大台小生、花旦所剩無幾,計胡杏兒離巢自資開婚紗店做老闆後, 04年港姐冠軍徐子珊最近都放風即將離巢,而且已報讀珠寶設計課程,似乎有意做新一代珠寶女王!

週一( 10日)徐子珊在中環珠寶學校上完堂後表示,「因為有公司想搵我合作,自己想要做呢件事認真啲,所以讀囉!(推出品牌?)遲啲先算」雖話港姐冠軍要保持高貴,但子珊當日打扮平民,似乎仲索咗喎!

36歲徐子珊 04年參加港姐入行,拍過無數電視劇, 07年更被導演杜琪峯睇中做電影《跟蹤》女主角,期間獲得過「香港電影金像獎最佳新演員」及「我最喜愛電視女角色」。

自爆走人

本月 2日子珊出席公開活動時,就擺明唔想再喺大台捱,仲話:「等份約自動完!」

3萬 8讀珠寶設計

子珊報讀位於中環的 GIA珠寶設計學校,喺珠寶界都好出名,短短 9個星期課程,盛惠$38,000!

「有公司搵我合作!」

早前已有一段時間無露面的子珊,被問到與大台的續約問題時,未有兜圈,「等份約完咗先,等佢自動完。」,擺明唔憂做的子珊更透露正報讀珠寶設計。

週一( 10日)子珊一身街坊平民 look,離開位於中環華人行的 GIA珠寶設計學校時,笑住回應:「因為有公司搵我合作,自己想做呢件事認真啲,所以讀書。」子珊更表示一切續約事情,都等讀完課程再決定,明顯已有打算。

去年子珊完成在大台最後一套劇《以和為貴》後,今年暫時只接拍由吳家麗執導的鬼片《有客到》。據知子珊其實想拍戲多過拍劇,有傳等待續約的子珊有多間公司向她招手,甚至恩師杜琪峯亦有意與子珊簽約,但子珊週一則保持神秘話:「冇聽過喎!」

7/8

上週五( 7日)子珊着住波點裙,孭住環保袋現身中環返學,又十足 OL咁款!

離奇拉頭馬

以往極少現身馬場嘅子珊,今年 5月前離奇現身拉頭馬,有古怪喎!《蘋果日報》圖片

早前子珊接拍吳嘉麗執導嘅電影《有客到》,仲疑似撞邪添!《蘋果日報》圖片

樂易玲與子珊關係唔錯,以往都畀過好多機會子珊,可惜續約都係要諗諗,樂小姐如今得番楊怡和鍾嘉欣。

拍過唔少電影嘅子珊, 13年拍《詭嬰》時都係拍番老拍檔林峯。

04年加入大台,至今子珊只係攞過「我最喜愛電視女角色」獎。

07年被杜琪峯睇中拍電影《跟蹤》,子珊仲因此攞過「香港電影金像獎最佳新演員」添!圖片

女星愛珠寶

徐子珊所讀的 GIA珠寶研究學校在業界十分出名,但其實除咗讀珠寶嘅課程,仲有其他出路嘅!

《蘋果日報》圖片

曹敏莉

• 03年 4料港姐冠軍, 06年向公司請假一年,去咗美國紐約讀珠寶鑑證,「學費又貴住又貴,課程只讀 9個月,我讀完考到 A。」曹敏莉用餘下嘅 3個月做實習,不過人工不及當年出一個 function,結果繼續做藝員。

《蘋果日報》圖片

陳嘉容

•名模 Eunis, 08年讀過試酒課程,之後喺理工大學報讀珠寶設計課程,「模特兒生命有限,我讀珠寶設計是為往後日子打算,希望學有所成後,能設計出自家品牌,在事業上再創成績。」

中新社圖片

衞詩雅

• 18歲入行做六福珠寶售貨員, 20歲即考到鑽石鑑賞資格轉做高檔珠寶買賣,更因此識埋當年嘅珠寶界才俊 Kenneth,拍過幾年拖。後來因為加入娛圈而漸漸疏離才分手。

採訪、撰文:娛樂組

攝影:娛樂突發組

鍾意就快D Share啦!