掃呢頁CODE去手機

2015年8月24日 星期一

郭羨妮唔撈 鄭則仕俾大台搵笨 大台,,鄭則仕,郭羨妮,TVB





其他影片:>>






無綫鬧小生花旦荒,繼吳卓羲、徐子珊、佘詩曼等人約滿走人,連郭羨妮(Sonija)亦不再續約。11年與內地武術指導朱少杰結婚,誕下愛女Kylie後,一度被大台打入冷宮,近年只拍過老公執導嘅內地劇集,及去年初完成無綫嘅《無雙譜》後就未有再接新劇,今個月終約滿無綫唔再續約。

咁就得意喇!因為幾個星期前,壹仔在《十月初五的月光》電影煞科宴上撞到鄭則仕,佢同《壹》仔講十月尾會返無綫拍劇,還說對手就係郭羨妮。「套劇有苑瓊丹,女主角係郭羡妮,之前同佢合作拍《盛世仁傑》拍得好開心,又冇是非。」點知鄭則仕呢頭講完,轉頭就爆出郭羨妮唔續約!事後《壹》仔再打俾鄭則仕,問佢覺唔覺得俾無綫呃,同埋郭羨妮唔續約唔拍,會唔會空歡喜一場呢?鄭則仕話:「唔係,咁佢有新發展都戥佢開心!(而家邊個拍?)未知呀,等吓遲啲」

鍾意就快D Share啦!