掃呢頁CODE去手機

2015年9月3日 星期四

無綫港姐 唔收得檔 [壹週刊 - 1330] 無綫,港姐,M1,



鬥讀書成績到鬥靚,都係女拔嘅麥明詩始終壓住龐卓欣。

同你吟一吟

無綫港姐 唔收得檔

舊年港姐俾人鬧假普選,無綫今年變招,觀眾、專業評判團加港姐評委會喺十二個候選佳麗中篩剩四強,再由觀眾投票選出三甲,結果,由大熱嘅麥明詩,以大比數勝出兼攞埋最上鏡小姐,喜愛夜蒲嘅龐卓欣亞軍,仲讀緊書嘅郭嘉文第三。

有新丁出爐,慧妍雅集再添新成員。上個禮拜,一班慧妍中堅包括朱玲玲( 77)、陳法蓉( 89)、楊婉儀( 95)同向海嵐( 98),約埋喺銅鑼灣時代廣場金滿庭開飯,唔同年代嘅冠軍,見證住香港小姐選舉由過去嘅年度盛事,變成一個睇唔睇都係咁嘅電視節目。

好老實,如果今屆唔係有個女拔十優狀元,英國劍橋大學法律系二級一等榮譽畢業嘅麥明詩,再加個都係讀女拔嘅龐卓欣爭吓傳吓不和,引起話題,已經搞咗四十二年嘅無綫港姐,早已經冇人有興趣。

不過咁,如果港姐收檔,陳豪唔會遇上豪嫂陳茵媺( 06),鄭嘉穎亦冇機會同處女陳凱琳( 13)拍拖,港姐存在價值,就係咁。

陳豪老婆陳茵媺,同令到鄭嘉穎公開認戀情嘅陳凱琳,都係港姐冠軍。

真正民選港姐:冠軍麥明詩、亞軍龐卓欣、季軍郭嘉文。

女人飯局,人妻朱玲玲、楊婉儀都冇預另一半。

零妝向海嵐見到鏡頭,一樣大方笑晒。

冠軍港姐約食飯,陳法蓉第一個到開定枱。

撰文︰八珍

nextplus.nextmedia.com

鍾意就快D Share啦!