網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年9月10日 星期四

一時不慎:唔敢惹鍾嘉欣 黃宗澤悶到沙灘犯禁 [壹週刊 - 1331] 嘉欣,李嘉欣,黃宗澤,鍾嘉欣,M1,



鏡頭前, Bosco抱起「女友」,嘉欣笑到跌帽。

探熱針

一時不慎:唔敢惹鍾嘉欣 黃宗澤悶到沙灘犯禁

被十二道金牌召回開新劇《警犬巴打》的 Bosco黃宗澤,早前同三度合演情侶的鍾嘉欣,到烏溪沙拍外景,當日天氣一時放晴攞你命又一時落雨,二人在鏡頭前默契交足戲,但不用埋位時,嘉欣 BB只會坐埋一邊發吽,見對手心情麻麻,黃宗澤自動彈開,犯禁在沙灘煲煙,之後更隨手將煙頭丟落地,一錯再錯!

怕見到記者

鍾嘉欣與伍允龍八年情玩完,黃宗澤前度胡杏兒愛得高調,更傳出同男友李乘德( Philip Lee)年尾拉埋天窗,自言 dry爆的黃宗澤話自己寄情工作,一對拍檔同病相憐。

日前,二人隨新劇《警犬巴打》劇組出外景,鏡頭前扮情侶,鍾嘉欣與黃宗澤表現甜蜜,但等埋位時間,嘉欣 BB就成個愁爆,成日獨自坐埋一邊。

「其實呢排見親嘉欣都係咁,成日心不在焉,又要求盡量唔好安排記者去探班,話唔想大家再問佢感情事,所以我哋都盡量配合,免得影響佢做嘢。」一名劇組工作人員透露。

鏡頭後,鍾嘉欣愁爆,冇厘表情悶悶不樂。

埋位前,即使有男工作人員在旁,嘉欣 BB突然拉高長裙露出打底褲,好騎呢!

拍攝中途,突然有位全裸小朋友誤入鏡頭,劇組即時換位再拍。

慣咗手勢犯禁

鍾嘉欣和「筍盤」黃宗澤已經第三度飾演情侶,雖然兩人身邊都冇另一半,但卻一早講明唔會過電。

見拍檔想自己一個,黃宗澤識做閃開,因為沙灘禁煙,他惟有叼住支煙玩手機悶住等埋位;點知等等吓,忽慣手勢點着支煙就扯,之後更將煙頭丟落地,違例禁煙加亂丟煙頭,一支回魂煙隨時罰三千!

巧貴呀!

黃宗澤擔住遮,匿埋沙灘一角,邊玩手機邊吞雲吐霧。

Bosco公然在沙灘煲煙已經違規,之後更將煙頭順手丟落地,一支回魂煙兩犯!

黃宗澤見嘉欣 BB心情麻麻,即自動彈開。

與狗拍檔不乏對手戲的 Bosco,與狗狗保持通話。

撰文、攝影、攝錄:娛樂組

nextplus.nextmedia.com

鍾意就快D Share啦!