同你吟一吟
猷君俾錢做觀音兵 四太仔變阿四
上個禮拜一（九月七日），《壹》仔喺太古廣場見到何猷君架七人車停咗喺一邊，過冇耐，就見到佢兩隻手攞住幾大袋名牌，身邊有個著跌膊高衩裙嘅女子一齊，望真啲，原來係愈整愈靚嘅組合 By 2細孖 Yumi。
行去上車都有一段路，猷君拎住大袋細袋，倒瀉籮蟹，但佢寧願自己做阿四，都唔肯俾女友幫吓手，好有風度。
Yumi由台灣人肉速遞到港，猷君做完觀音兵兼人肉 credit card後，當晚 Yumi約咗朋友喺雲咸街一個私竇夜蒲，另外有局嘅猷君自己搞掂，將司機同車，讓俾女友任用。
見到 20歲何猷君同 23歲 Yumi，八珍諗起當日同向佐拍拖，想盡辦法做小向太嘅 Race， Yumi撻着猷君都有一年，早排亦傳過二人會閃婚，搞到四太叫記者唔好嚇佢。
據我所知，四太同向太好老死，應該會自動過料，交流心得。都係嗰隻，拍吓拖冇嘢，想入門，老媽子批個頭俾你坐好過。
|
鍾意就快D Share啦！
|
|
|