掃呢頁CODE去手機

2015年9月17日 星期四

蔡一智 遙控車湊仔 [壹週刊 - 1332] 蔡一智,M1,



唔少男人都鍾意玩遙控車,蔡一智呢架只係預先組裝好嘅入門版,三千蚊有交易。

同你吟一吟

蔡一智 遙控車湊仔

無論三歲定三十歲,男人十個有九個鍾意四個轆,但唔係人人可以好似沈嘉偉郭富城,車多錢多仲有窿路安置啲大玩具。唔緊要,玩埋遙控車,頂吓癮都好。

早排《壹》仔喺淺水灣撞到蔡一智帶咗細仔同一男一女飲下午茶,廿四孝老豆仲特登攞埋架遙控車出街同囝囝玩。

三歲世倌冇份揸車,只係不停追住架慢爬車走來走去,玩玩吓,有個小朋友搵蔡一智影合照,見自己老豆同個哥哥搭晒膊頭,世倌叉晒腰,企响旁邊係咁𥄫住,超得意。

前前後後玩咗十五分鐘,負責玩嘅蔡一智同追車嘅世倌都成身汗,夠晒皮!

蔡一智負責控制架車,世倌就好忙咁追住,仲擘大腳扮隧道。

玩玩吓,有個小朋友搵蔡一智影合照,叉晒腰嘅世倌企喺旁邊看實,好搞笑!

玩咗十五分鐘,兩父子已出晒汗,行返去餐廳準備走,其間三歲世倌好似樹熊咁,用兩手攬住老豆隻腳。

上個禮拜二(九月八日)五點,湊仔公蔡一智又變身「師奶」,幫老婆去時代廣場 city'super買餸上糧。

撰文:八珍

nextplus.nextmedia.com

鍾意就快D Share啦!