直播社交app「17」由台灣藝人黃立成開發，上架3個月，近日火速成為娛樂圈嘅人氣app，有啲網民為咗直播增加知名度，出盡「怪招」，哥哥偷拍細妹沖涼、直播性愛過程、內地女網民上載自慰片、男網民直播手淫片等，反映《17》欠缺監管，導致《17》玩家失控。
早前已在Android Play Store消失，噚日發現連蘋果App Store已無法再搜尋到《17》，《17》已被蘋果方面下架，就連台灣蘋果App Store亦將《17》下架，有份玩《17》嘅陳蕊蕊今日接受《蘋果》訪問，表示：「咁都冇辦法，我都見到有啲好過份用家，對自己唔大影響，因為我主要用fb同ig多，17只係間唔中開嚟玩吓，如果用家咁失控，下架都應該。」
不過，已下載《17》app嘅玩家仍可使用，而另一《17》玩家0靚模曾淑雅(Jumbo)亦回應：「我噚晚先玩live，估唔到今朝收到呢個消息，頭先開app試吓，發現仲用得，但喺apple store search真係唔見咗，自己比較少睇人直播，真係新聞先睇到原來呢個風氣幾嚴重，17app製作團隊要諗吓點加強防護，我覺得應該要學fb，fb有驗證功能，可以防備好多呢啲不雅直播出現，其實17呢個app唔錯，可以畀藝人同fans交流，希望團隊搞番好，可以再面世。」
原來網上亦瘋傳出《17》app於Android機破解下載方法，透過一個「pCloud」下載apk檔到手機中，更可以在Android機使用，即係就算app已下架，網民仍可下載!?
|
鍾意就快D Share啦！
|
|
|
