網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年9月6日 星期日

麥明詩在心中3度落淚 麥明詩,

麥明詩(中)擁着龐卓欣(左)、郭嘉文合照,更指友情在心中。

麥明詩在心中3度落淚

出爐港姐冠軍麥明詩掛着「十優狀元」、「劍橋學生」之名參選,被喻為「人生勝利組」,但她接受專訪時謙稱只是平凡女生,更自爆參選期間因有壓力而爆喊三次!對於被指與屈居亞軍的「宿敵」龐卓欣面和心不和,麥明詩指對方是佳麗中最好朋友,兩人友誼在心中!

「人生贏家」麥明詩(Louisa)是十優狀元及劍橋法律系畢業生,其履歷最近再添一項亮麗殊榮——2015香港小姐冠軍!不過,Louisa多次強調自己只是個平凡女生:「我鏡頭後都係個好平常嘅女仔啫!平時鍾意同朋友唱K、食嘢同睇戲。」

「外界對我期望大」

掛着「尖子」之名參選,雖然加分不少,但亦是壓力來源,自認從小在溫室長大的Louisa坦承多次因外界輿論而壓力爆燈:「我覺得外界對我期望好大,認為我可以好有智慧咁答每條問題,其實我本身唔係一個好有智慧嘅女仔,我淨係識考試同識溫書啫!」她更自爆在參選期間因壓力問題而先後喊過三次:「第一次係剛剛參選嗰陣,外界都猜度我點解要參選,覺得有種受委屈同有口難言嘅感覺,加上擔心屋企人嘅私生活受到干擾;第二次係我參選緊,開始經常面對傳媒,試過幾次失言,我覺得我都係個普通人,大家好似對我要求太苛刻;第三次喊係因為傳出我同跳舞老師麥秋成嘅緋聞,我諗係咪因為我嘅言行唔夠小心呢?」

從小在溫室長大的麥明詩,坦承多次因外界輿論而壓力爆燈。
  • 從小在溫室長大的麥明詩,坦承多次因外界輿論而壓力爆燈。
奪冠後的麥明詩,獲鄭裕玲上前祝賀,被指沒有佳麗跟她抱抱。
  • 奪冠後的麥明詩,獲鄭裕玲上前祝賀,被指沒有佳麗跟她抱抱。

視愛瑪沃森偶像

雖已擁有一張無可挑剔的CV(履歷),但Louisa仍然有很多心願希望達成,她說:「人生仲有好多挑戰,唔一定係比賽,例如叫我去非洲或者北極兩個月,或者去攀喜瑪拉雅山都係大挑戰!」她亦封另一位「人生勝利組」、「妙麗」愛瑪沃森(Emma Watsons)為偶像,佩服對方的抗壓能力。

提到曾是同窗的龐卓欣(Ada)屈居亞軍,Louisa直言對方是眾多佳麗中最好的朋友:「覺得同佢好有緣,同埋我哋背景好似。」提到奪冠後被指沒有佳麗上前抱抱,因而被指「冇朋友」、「無敵是最寂寞」,Louisa以三字真言回應:「在心中!」並坦言沒有因此感失落:「我心知事實唔係咁,所以唔會介懷,我不嬲同佢哋乜都傾,傾減肥、夢想、壓力。」

文:影視組

攝影:司徒國榮

服裝:Ted Baker

髮型:HAiR

場地:港威酒店Three On Canton

鍾意就快D Share啦!