掃呢頁CODE去手機

2015年9月17日 星期四

唔識貨:肉價 40萬 俾王晶飛 袁嘉敏:唔搵我係佢損失! [壹週刊 - 1332] 袁嘉敏,王晶,M1,



探熱針

唔識貨:肉價 40萬 俾王晶飛 袁嘉敏:唔搵我係佢損失!

《鴨王》收得,頭炮孭飛露點的袁嘉敏立晒功兼成為焦點,不過剝衫壓力大變抑鬱,以至宣傳失場,又跟戲中男女對手鬧不和,王晶月底開拍續集,為免麻煩搞到自己,決定起用新晶女郎文凱玲及唐紫睿做膽,原裝的袁嘉敏慘被飛出局。打算脫價加一倍先再剝,自信爆棚的袁嘉敏一口葡萄:唔搵我,係佢哋損失!

請王晶返屋企坐

為《鴨王》脫出可觀票房的袁嘉敏,有膽識有演技,可惜欠人緣。近日王晶埋班開《鴨王 2》,卻選擇起用身材縮一 cup的文凱玲,由三級「降 grade」到 2B級,也要將惹火的袁嘉敏飛出局。

收到風《鴨王 2》冇自己份,袁嘉敏說第一個反應係:打……俾……王……晶!

「我唔知開第二集,咪打俾王晶問吓,不過佢話呢套戲唔係《鴨王》延續版,係輕喜劇,主要係講何浩文做鴨,其他女主角做妓女,雞鴨戀咁囉!」袁嘉敏說。

至於是否覺得王晶所言,是出於安撫,她說:「我同佢關係冇安撫成分,只係坦白攤開嚟講,冇乜感情。我哋一路有保持聯絡,之前我有請佢食飯。我搬新屋,都有請佢上嚟坐。」公關功夫做足,但於事無補。

收廿萬,袁嘉敏喺《鴨王》就瞓身露點同對手 Dominic肉搏,成為全片賣點。所以今勻唔預佢玩,連佢都覺得好意外。

早前王晶投資的火鍋店開張,袁嘉敏都有撐場。故飛起袁後,王晶要做安撫工作。

嫌人身材冇睇頭

「我了解後,個古仔講雞鴨戀,又係成班女人圍住男主角,其實對我嚟講唔係咁有意慾去做。再拍嘅話,我希望焦點喺女主角身上,男仔做配角。」袁嘉敏的不屑,充滿葡萄。

飛走原裝正版,《鴨王》賣點難免打折扣!

「我覺得任何人唔搵我都係損失。《鴨王》最後收六百幾萬,我絕對交到差。之前喺街有人記得我係《殺破狼》入面嘅兇狠老婆,而唔係之前脫嗰個角色,咁係要做到一定水準,先唔會俾人只記住某一個形象。」袁嘉敏說。

換上文凱玲( Connie)、鍾采羲( Iris)及有份冧庄的唐紫睿( Hazel), D Cup以下的陣容,袁嘉敏興趣一般!

「嗰幾個女仔瘦削咗啲,我比較鍾意睇豐滿嘅,銀幕上觀感係豐乳盛臀會好啲,所以唔係好知啲情慾戲到時點拍,或者鏡頭可以影到佢哋有曲線嘅。不過印象中,文凱玲係斯文靚女,記得《鴨王》佢有嚟睇首映,希望佢哋到時首映都俾飛我睇!」

唐紫睿

《鴨王 2》女一換上文凱玲,唐紫睿亦可冧庄演出,唔想身材輸蝕比上一手袁嘉敏,兩個近日狂操曲線,有睇頭。

文凱玲

加價一倍先再剝

收二十萬剝衫拍《鴨王》後,袁嘉敏至今仍未發市,主要收入靠內地登台。

「呢半年都有兩套戲搵我做女主角,要求同樣都係要裸露。但除非係去參展嘅藝術片,好似鍾麗緹嘅《晚孃》,仲要睇同監製、導演夾唔夾,先考慮再大膽演出。如果純粹係商業片,我就要加價一倍(四十萬)先拍。」袁嘉敏說。

與《鴨王》演員鬧不和的袁嘉敏,當日做宣傳時全程跟他們零交流。

雖然一脫後未有新戲拍,但袁嘉敏登台不絕,狂賺人仔。

寸 Dominic冇風度

對於 Dominic曾暗寸唔想再同佢合作,袁嘉敏話:「我已放棄對佢嘅期望。之前為套戲宣傳,我一直對佢讚不絕口,但佢就不時發放啲要我唔開心嘅說話。希望佢年長啲,變得 gentleman啲。」

撰文、攝影、攝錄:娛樂組

nextplus.nextmedia.com

鍾意就快D Share啦!