掃呢頁CODE去手機

2015年9月17日 星期四

大製作:錢國偉陳宛蔚  50° C影婚照曬甩皮 [壹週刊 - 1332] 錢國偉,陳宛蔚,M1,



伊斯坦堡市內古舊建築物林立,新娘子也配合環境,選了一套仿古婚紗。

探熱針

大製作:錢國偉陳宛蔚  50° C影婚照曬甩皮

下月八日,錢國偉於洲際酒店筵開六十席,娶拍拖六年女友陳宛蔚過門。一對準新人早前坐郵輪到歐洲影婚紗照,帶住十多套婚紗,十四日內由沙漠影到古堡。行程中,準新郎不時被當是韓國大叔 PSY外,要在五十度高溫下影相,曬到皮膚都黑埋的準新娘陳宛蔚,亦被誤以為是墨西哥女人。

坐郵輪出發

上年六月,同 Big Four去美國做騷,慶功宴上求婚成功後,錢國偉跟陳宛蔚已打算到外地影婚紗相,半年前決定坐郵輪去歐洲為目的地,路線包括土耳其的伊斯坦堡、杜拜、愛琴海和希臘等小島,除了一對準新人,還有四個工作人員同行。

「我哋去咗幾個國家,因為每日一早要出發,又帶住一大堆衫,加上天氣好熱,好似喺杜拜時就有成五十幾度,嗰晚影完相返上船發現 Calinda(陳宛蔚)都曬傷咗,係咁甩皮。我因為著住禮服就比較好;不過咁熱我哋著住套禮服周圍行,少啲忍耐力都唔得。」錢國偉說。

陳宛蔚在郵輪餐餐食 buffet,回港後即要減磅。

錢國偉雖是導演,在鏡頭前始終不及曾經任「味之天使」的雜果賓治及拍過電視劇的陳宛蔚自然有經驗。

回港後,新娘子在微博放了到過的風景相。

二人每天晨早出發影相,連郵輪都成背景。

遊客誤當 PSY

二人著住婚紗上岸,郵輪上其他乘客不斷送上祝福,上岸後,又有大堆人圍住不停影相。

「試過有一團西班牙遊客以為我係 PSY,係咁跟住影我哋,我唔識西班牙文,只係聽到佢哋係咁講 PSY個名,又有人走埋嚟同我合照,總之好好笑。」老公係 A貨 PSY,陳宛蔚亦被誤會是墨西哥人。

「頭一星期,船上啲人會問我係咪菲律賓人,因為啲皮膚比之前黑咗好多;去到最後幾日,有啲人埋嚟祝福我哋,但就已經問我係咪墨西哥人,所以返到香港後,我要搏命做護理。」陳宛蔚說。

由早影到日落,二人爭取分秒在甲板上影黃昏景。

由於歐洲夏天時間比較長,陳宛蔚上船後會繼續「開工」,直至天黑。

一班「古惑仔」會擔任兄弟,錢國偉也預告到時大把驚喜。

去年六月,錢國偉跟 Big Four在美國完騷後,於慶功宴求婚,張衞健更用手機將過程拍低。

十月多喜事

10• 8係結婚好日,娛圈喜事都撞到七彩,除了錢國偉和陳宛蔚於洲際酒店舉行婚宴,前亞視董事盛品儒,亦同老婆蔡一鳳在四季酒店設宴三十圍補擺喜酒。不過最矚目,當然是在上海筵開百席的黃曉明與 Angelababy。

無綫出身的錢國偉,是圈中友誼先生,故分量級如曾志偉、譚詠麟,到老友鄭伊健、陳小春以至無綫一到七線藝員,台前幕後傾巢而出,賓客人腳勁過台慶,六十席,僅僅夠!

至於婚宴打對台的前亞視高層盛品儒,身為香港青年聯會常務會董,婚宴絕不缺名人政客,包括霍啟剛夫婦及青聯富二代,焦點人物王征亦會到。

撰文、攝影、攝錄:娛樂組

nextplus.nextmedia.com

鍾意就快D Share啦!