掃呢頁CODE去手機

2015年9月14日 星期一

任斐琳鬥靚專家 失言倒米

任斐琳自誇選美經驗豐富,但卻失言收場。

任斐琳鬥靚專家 失言倒米

【陳柏宇佛山直擊】亞姐繼上月深圳站,昨日移師佛山面試,上次深圳站出現的凸腩、巨籮、腰有拔罐印等攞膽佳麗今次大為減少,反而樣靚、大波、高學歷等高質佳麗湧現。不過仍有佳麗露毛、表演舞蹈時跌親,更有佳麗行蟹步,延續亞姐面試定必笑破肚皮的傳統,其中不慎露毛的(29)姚俊如獲「一見鍾情大獎」,(18)任斐琳自誇選美經驗豐富,但卻失言指今次選亞姐的平台「好有問題」。

被喻為「末代亞姐」的《第二十七屆ATV 2015亞洲小姐競選》昨日舉行佛山站海選面試,29位佳麗穿比堅尼見評判,相比上月深圳站凸腩、腰有拔罐印等駭人質素,佛山站取消即場面試,要篩選過才讓佳麗見人,終於似番選美。

今次樣靚、身材好、高學歷等高質佳麗大不乏人,未知是否受「十優港姐」麥明詩坐上港姐寶座影響,昨日的佳麗中有23位擁大學學歷,其中4位更是碩士,算是替亞姐省靚招牌。(4)唐君嬈、(11)陳小紅、(12)唐穎、(18)任斐琳及(29)姚俊如,堪稱五大美人,擁模特兒身材的姚俊如不慎露毛,令自己更出位,而樣子標青的唐君嬈出場時獲不少掌聲。

唐君嬈樣子甜美,出場時獲得不少掌聲。
  • 唐君嬈樣子甜美,出場時獲得不少掌聲。
姚俊如獲「一見鍾情大獎」。
  • 姚俊如獲「一見鍾情大獎」。
擁有布甸胸的馬楠有獨門豐胸法。
  • 擁有布甸胸的馬楠有獨門豐胸法。

譚霞港大碩士

(15)頓滿、(21)馬楠、(23)石延睿及(25)譚霞,則以豐滿上圍壓台。大會現場頒發4個獎項,「評判最讚大獎」、「甜美笑容大獎」分別由譚霞及貌似高海寧的頓滿奪得,(5)徐一博獲「最佳表現大獎」,露毛佳麗姚俊如獲「一見鍾情大獎」,可謂實至名歸。有碩士資格的譚霞以廣東話受訪:「我喺港大讀完物流管理碩士,(點解選亞姐?)對香港好了解,鍾意香港生活,亞姐係我嘅夢想,想圓夢。(想入娛樂圈?)有機會都想,(唔怕選完亞姐冇嘢做?)唔會,對亞姐好有信心!」

頓滿貌似高海寧。
  • 頓滿貌似高海寧。
唐穎為昨日的五大美人之一。
  • 唐穎為昨日的五大美人之一。

任斐琳自報三圍34、24、36後,似想以選美界履歷震懾其他佳麗,可惜失言,她說:「我參加過好多選美,2013年選世界旅遊小姐獲廣東賽區冠軍,2014年選洲際小姐得到華南總冠軍,選亞姐希望提升信心,不過今次平台好有問題,(想倒亞姐米?)我意思係因為亞姐質素好高,有內地又有國際嘅佳麗,壓力好大,我喺後台見啲女仔質素都好高。」

最巨胸的馬楠身材比例不夠完美,行路時胸部像放了兩團巨型布甸,震盪畫面過於震撼,被問最滿意身體哪部位,她反問:「你覺得呢?」之後卻大談護胸心得:「食木瓜冇用,按摩先有用。(男友幫你按?)依家冇拍拖,自己按,拍拖嗰陣未知按摩有用。」

12月決出冠軍

亞視副總裁趙汝強讚佳麗質素好:「今次比深圳站毀譽參半好好多,相信會有超過20位佳麗入圍。今屆會有100位佳麗入圍,佢哋會各自拍攝自拍片,10月起喺亞視播出,係亞視未試過。20位內地佳麗同20位外地佳麗於12月18日選出8強,喺12月20日再選出冠軍。」對於「亞姐之父」葉家寶缺席,趙汝強謂:「珠海站佢有去,(傳佢被調職?)到今日佢仍然係執行董事,即使日後有乜變動,相信佢一定能勝任。」

鍾意就快D Share啦!