網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年9月1日 星期二

疑遭「偷票房」 華誼老闆王中磊超勞氣 王中磊,



【短片】【這就是中國.jpg】疑遭「偷票房」 華誼老闆王中磊超勞氣

2015-09-01 02:06:00



其他影片:>>






【這就是中國.jpg】疑遭「偷票房」 華誼老闆王中磊超勞氣

今年係抗日戰爭勝利70周年,中、台兩地都搶佔這片高地,內地就拍了一套主旋律嘅抗日電影《百團大戰》,雖然內容冇好似內地電視劇咁神化,例如可以徒手撕開日軍同用彈石擊落戰機呢類神級創作,但當然唔少得對共軍歌功頌德作為主線。

呢類電影偏重宣傳多過歷史嘅,不過《百》片上星期五(28)第一日上映,單日票房就有4,530萬元人民幣票房,擊敗阿諾舒華辛力加《未來戰士:創世智能》成日當日票房冠軍。同時又引出「偷票房」疑雲,噚晚已經報道話,《刺客聶隱娘》被懷疑遭《百團大戰》偷票房(相關連結: http://bit.ly/1JrozKi ),今日再有唔少網民放相,指唔理你睇乜嘢戲,戲院都係打張《百》片嘅電腦飛,戲名就用筆改寫。聽聞被偷票房嘅重災電影喺同期嘅《三城記》、《烈日灼心》同《刺客聶隱娘》。

《百》片喺上映三日已經輕易過億票房,內地華誼兄弟嘅老闆、有份投資《三》片嘅王中磊非常勞氣,佢喺微博話:「票房去哪了?請拿開髒手!在被要求必須完成票房的前提下,這個市場上出現了很多怪異的現象,所有的電影上座率都很低,但只有一部電影獨領風騷。你們家的電影是電影,別人家的電影就不是電影了嗎?月黑風高日,殺人越貨時。很多電影已經夠慘了,緣何還要伸手搶別人的呢?特別是小片。」

雖然王中磊冇指名道姓邊套戲係主兇,但都已經呼之欲出,王中磊仲貼咗一張上星期五嘅實時票房,見到早上7點《三》片嘅票房仲有627萬人仔,點知到咗夜晚11點,票房不升反跌得返437萬人仔。

有內地網民就話,強國多間院線都收到指示跑數,務切要喺9月3號抗戰勝利閱兵前,完成特定嘅目標,好多中資公司都收到紅頭文件(官方重要通告)要組織員工入場睇戲,另外仲對院誘之以利,就係聽聞凡係9月3日前入數嘅票房,一律唔駛同片主分賬,即係話院商可以淨袋所有收入,咁點會唔明刀明槍搶吖?



《百團大戰》(左)在上映首日,票房已超越《未來戰士:創世智能》。劇照



阿諾咁好打,但都唔夠抗日士兵咁好打。劇照



舒淇的《刺客聶隱娘》的票房據說受到影響。劇照



《三城記》疑被「偷票房」。劇照



有網民上載被改飛的證據(微博圖片)



王中磊在微博上載票房截圖作證(微博圖片)



(微博圖片)

鍾意就快D Share啦!